VOV4.K’ho – Drim òr 15/3, mpồl sền gròi mpồl duh broă te\ khà dà lơgar bơh ồng Nguyễn Xuân Phúc, kuang jat jơng gơs gơnap gơnoar atbồ hơđang rlau jơh dà lơgar, kuang jat jơng atbồ mpồl duh broă te\ khà dà lơgar lơh kuang atbồ mpồl neh lòt sền broă mut lơh te\ khà kuang bàng gơnoar ala mat dà lơgar kơnă 14 mờ kuang bàng mpồl duh broă ala mat làng bol ală kơnă, tơngai bơh nam 2016 tus nam 2021 bơh [òn dờng Hà Nội dê. Đơs tàm dơ\ lơh broă, ồng Nguyễn Xuân Phúc jờng rơ Hà Nội neh mut lơh broă te\ khà di mờ jơnau sồr, bơsong di tu\ ală kòl yan tàm broă te\ khà, brồ guh nùs nhơm làng bol lơh tờm. Ồng Nguyễn Xuân Phúc tơngkah [òn dờng pal lơh niam rlau tai broă mblàng yal bè te\ khà mờ gàr niam ngap lơngai, ờ do ờ dă, nàng ngai 22/5 ngan ngồn là ngai chờ bơh gùt làng bol dê, gàr niam gơnoar bơh cau te\ khà dê.

                                                Cau cih mờ yal tơngit K’ Duẩn.