VOV4.K’ho – Drim òr, 27/9, ồng Nguyễn Xuân Phúc, kuang geh jơng Gah gùng dră bal dà lơgar, kuang jat jơng gơs gơnap gơnoar atbồ hơđang rlau jơh dà lơgar bal mờ Mpồl kuang bàng Gơnoar ala mat dà lơgar càr Quảng Nam neh tìp mat mờ cau te\ khà [òn drà Điện Bàn, càr Quảng Nam lài mờ pơrjum dơ\ 10, Gơnoar ala mat dà lơgar kơnă 13. Uă bơta ờ suk geh cau te\ khà [òn drà Điện Bàn dan mờ Gơnoar ala mat dà lơgar, Gơnoar atbồ lơgar tơrgùm bơsong bè : mhar tam gơl bơta yal jơnau tơngit bè phan bơna, phan lơh gơs ờ tơl niam lơh gơbàn jơnau gơlời wơl ờ niam; tu\ do khà priă kòi mờ uă phan bơna lơh gơs bơh suơn sre ờ geh anih tac, khà priă ờ kơ\... dan mờ dà lơgar pal geh broă sền gàr phan lơh gơs bơh suơn sre làng bol in. Đơs mờ cau te\ khà [òn drà Điện Bàn, ồng Nguyễn Xuân Phúc đơs là, mờ bơhiàn bơh tiah kac màng dê, Điện Bàn là tiah pơlam uă kuang bàng tus mờ càr in, ală rơnàng kuang bàng geh uă broă lơh ngan tàm broă bơtàu tơnguh lơh sa, lam lài uă srơh bơh càr Quảng Nam dê. Ồng Nguyễn Xuân Phúc sồr, [òn drà Điện Bàn pal lơh gơs bơta tam gơl tàm rơndap sap sèng broă lơh sa suơn sre, chài rơgơi tiah drà, tơnguh jơnhua rài kis làng bol in.

                                                                Cau cih mờ yal tơngit K’ Duẩn.