VOV4.K’ho – Ngai òr 06/12, tàm Hìu duh broă Gơnoar atbồ lơgar dê, ồng Nguyễn Xuân Phúc kuang geh jơng Gah Gùng dră bal dà lơgar mơkung là Kuang jat jơng gơs gơnăp gơnoar atbồ hơđang rlau jơh dà lơgar neh tìp mat cribơyai broă mờ ồng Somsavad Lengsavath kuang jat jơng gơs gơnăp gơnoar atbồ hơđang rlau jơh dà lơgar Lào gam geh dơ\ lòt còp mờ lơh broă tàm Việt Nam..

Tàm dơ\ tìp mat cribơyai broă, ồng Nguyễn Xuân Phúc đơs là, bơta gi\t gơ\p lơh bơyô bal ờs mờng bơh yau, tam klac bal uă ngan mờ lơh broă bal tơl làm đah Việt Nam mờ Lào pơn jat tai geh lơh niam mờ bơtàu tơnguh, geh lơh uă tàm broă lơh mờ wèt tus lơh geh cồng nha ngan ngồn. Bè gùng dà broă lơh tam klac lơh broă bal tàm tơngai tus, bàr gah dùl nùs ring bal đơs là, pơn jat tai tơrgùm mu\t lơh niam tơngume ală Jơnau yal bơr bal mờ Jơnau hơ pơrgon bal kơnă kuang bàng dờng màng đah kuang bàng đơng lam bồ bơh bàr Đảng, bàr Dà lơgar dê; sơlơ tơnguh tai bơta gi\t gơ\p gùng dră bal mờ ai ală mpồl kuang bàng lòt còp bal mờ gơ\p jat uă broă lơh, sơlơ tam klac bal niam tàm ală dơ\ cribơyai, ală mpồl tam klac bal uă gah tàm tiah do mờ tàm dunia. Việt Nam geh dong kờl Lào tàm broă dờp lơh kơnòl broă geh cồng nha gơnoar broă Kuang atbồ ASEAN tàm nam 2016 tus do. Bàr gah kờ` pal tam klac bal niam tàm ală mpồl uă gah, ngan là tu\ Mpồl bơtiàn ASEAN geh crơng gơs tàm ngai 31/12 tus do.

Cau cih mờ yal tơngi\t- Lơ Mu K’ Yến