VOV4.K’ho – Mho òr 17-6, tàm hìu lơh broă Đảng dà lơgar geh bơyai lơh ki\ broă lơh pơgồp bal lơh broă yal jơnau tơngit, mblàng yal đah Mpồl đơng lam tam gơl kơrnuat boh lam dà lơgar mờ Anih lơh broă jơnau đơs Việt Nam, Anih sơn io rùp Việt Nam mờ Gah ai jơnau tơngit Việt Nam. Tàm dơ\ ki\, ồng Nguyễn Xuân Phúc kuang jat jơng gơs gơnap gơnoar atbồ hơđang rlau jơh dà lơgar, mơlà kuang jat jơng atbồ mpồl đơng lam tam gơl pa kơrnuat boh lam dà lơgar pơyua jơnau nting sap gờm chờ tus ală kuang đơng lam bồ, cau ai tơngit jơnau đơs, cau drơng mai\ bơh Anih lơh broă jơnau đơs Việt Nam, Anih sơn io rùp Việt Nam mờ Gah ai jơnau tơngit Việt Nam di tơngkah 90 nam ngai Sră bau\ kac màng Việt Nam, 21/6. Ồng Nguyễn Xuân Phúc đơs tờm, Đảng mờ dà lơgar gam krà` cê tam gơl kơrnuat boh lam, tam gơl sră nggal lơh broă, tam gơl priă nhai. Tàm hơ\, broă tam gơl kơrnuat boh lam tơlik mờ kơnòl kơnjơ\ kơnjut ngan, là tơngume kuơ màng nàng lơh gơs bơnàng jă bơtàu tơnguh dà lơgar in. Den tàng, ală anih lơh bau\ pal mblàng yal jrô ơnàng tus ală rơnàng làng bol.

                                                                                   Cau mblàng K’ Duẩn.