VOV4.K’ho - Drim òr (23/9),  tàm càr Hà Nam, dơ\ pơrjum kuang bàng mpồl Đảng càr Hà Nam dơ\ XIX, tơngai bơh 2015-2020 neh ngan ngồn geh mut lơh. Đơs lam sồr dơ\ pơrjum, ồng Nguyễn Xuân Phúc kuang jat jơng gơs gơnap gơnoar atbồ hơđang rlau jơh dà lơgar geh sơndio loh, lơh sa bơh Hà Nam bơtàu tơngguh ờ hềt di pal mờ  bơta pràn, bơta geh bơh càr. Khà kờp làng bol mờ cau lơh broa\ sa suơn sre gam geh tus khà dờng ua\. Ala\ gah ka\ bro, ơla ờ hềt lơh di bơta kờ` bơtàu tơngguh tàm bơta slơ ngai slơ gơrờm bal dờng ơnàng. Ồng Nguyễn Xuân Phúc sồr dơ\ pơrjum pal mblàng loh bơh tài nàng geh broa\ lơh niam geh cồng nha tàm tơngai tus:“Hà Nam kờ` pal pơnjat tai mut lơh 3 broa\ lơh nisơna  kuơ màng  bơh dơ\ pơrjum Đảng gùt lơgar dơ\ 11 geh ai  mờ 3 broa\ lơh nền nòn tàm jơnau yal tơnggit gùng dra\ bal bơh càr neh sơndio loh, bal mờ rơndap lơh niam wơl lơh sa, tam gơl pa broa\ lơh bơtàu tơngguh, pơnjat tai wơl geh gơ hòi tơl bơta pràn, lơh geh ndrờm bal rơndap broa\ lơh phan bơna ngan la gùng lòt, ồs đèng, ala\ tiah lơh sa mờ ma\y mok, hìu bơsram, lơh sơnơm, tơngguh broa\ lơh lơh bal, pờ ơnàng broa\ lơh bơtàu tơngguh mờ ala\ [òn lơgar, ngan la mờ càr lơgar Hà Nội. Lòt bal  mờ bơtàu tơngguh lơh sa, Hà Nam kờ` pal lơh pràn bơtàu tơngguh chài rgơi mpồl bơtìan, kơryan ala\ bơta ờ niam mpồl bơtìan, geh lơh niam bơta bơ\ bơl tiah kis”.

                             Cau cih mờ yal tơnggit K’ Brọp