VOV4.K’ho – Mho òr 17/12, tàm Hà Nội, Gah Lơh broă Adat boh lam dà lơgar bơyai lơh dơ\ tìp mat mờ Mpồl cih, mpồl sền sơ wì, mờ ală anih lơh broă, mpồl cau mờ cau dùl nă să is tus bal lơh Rơndăp lơh Adat lơh tìs glài broă mờ phan bơna làng bol (tam gơl) mờ Adat lơh tìs glài ku\p jàm (tam gơl) pa geh ring bal tàm dơ\ pơrjum dơ\ 10, Gơnoar ala mat dà lơgar kơnă 13.

Do là bàr adat kuơmàng ngan gơ rềng tus gơnoar kòn bơnus mờ gơnoar cau làng bol tàm lơgar dê. Tus bal mờ đơs tàm dơ\ tìp mat, ồng Nguyễn Xuân Phúc đơs tờm, jơh bal bàr adat do ndrờm geh uă bơta tam gơl pa, pơn jat tai lơh gơs kơrnoat boh lam ală gùng dà broă lơh bơh Đảng dê bè Broă lơh gơs ală kơrnoat boh lam, lơh tam gơl pa adat boh lam mờ Sơnoa boh lam nam 2013 lơh geh cơng tàng kơrnoat boh lam nàng sền gàr gơnoar kòn bơnus, gơnoar cau làng bol tàm lơgar, gơnoar broă is làng bol bơh cau dùl nă să is dê, gơnoar geh adat boh lam sền gàr pơgồp bơnah lơh gơs kơrnoat lơh sa drà kă bro jat gùng dà rài làng bol lơh tờm mpồl bơtiàn ring bal, lơh geh cơng tàng kơrnoat boh lam kuơmàng tam dră rơcang sơndră cau lơh tìs, tàm tu\ tơngai bol he mu\t gơrờm bal mờ dunia ngai sơlơ uă ngan. Ồng Nguyễn Xuân Phúc đơs loh: Bàr adat do neh geh ring bal mơya broă ai ngui tàm rài kis là broă kuơmàng ngan, den tàng bè hơ\, ồng Nguyễn Xuân Phúc sồr: Gah lơh broă adat boh lam dà lơgar mhar yal mờ Gơnoar atbồ lơgar in Broă rơndăp lơh 2 adat do tàm hơ\ đơs loh tơl kơnòl broă tus tơl Gah sơnah lơh broă dà lơgar mờ ală càr, [òn dờng in mu\t lơh geh tu\ tơngai lơh broă loh làng.

Cau cih mờ yal tơngi\t- Lơ Mu K’ Yến