VOV4.K’ho - Drim òr (10/12), tàm Hà Nội,  mpồl đơng lam tiah đah tô mat tơngai  mut dà lơgar neh bal mờ gah lơh broa\ cau ling sồt sa\ mờ mpồl bơtìan dà lơgar mờ anih pria\ jền Việt Nam bơyai lơh pơrjum cri bơyai ala\ broa\ lơh tơmù rbah mhar, kơljap tàm 6 càr geh khà hìu nha\ rbah ua\ tàm tiah đah tô mat tơngai mut dà lơgar, geh Hà Giang,  Cao Bằng, Yên Bái, Sơn La, Điện Biên mờ Lai Châu. Tus mờ đơs mut pơrjum,  ồng Nguyễn Xuân Phúc kuang  jat jơng gơs gơnap gơnoar atbồ hơđang rlau jơh dà lơgar, đơs tờm: Tàm ala\ nam do,  broa\ lơh tơmù rbah bơh VN neh geh ala\ broa\ lơh gơguh niam. Bulah bè hơ\,  tàm ua\ tiah, tàm hơ\ geh đah tô mat tơngai mut dà lơgar, khà hìu nha\ rbah bulah neh gơmù ua\ pơndrờm mờ do di 10 nam, mơya tàm  tàm khà jơnhua, ngan  la ala\ càr di broa\ lơh 30a. Ồng Nguyễn Xuân Phúc đơs tờm: Tàm tiah đah tô mat tơngai mut dà lơgar, sùm geh sền gròi dong  lài ngan bè ala\ broa\ lơh,  cau lơh broa\ nàng mut lơh tơmù rbah dong ala\ càr gơtùi tơmù rbah mhar. Mơya,  tài bơh gam ua\ nbgan kal ke bè bơta trồ tiah geh is, ù lơh sa, phan bơna gam lơyah,  jơnau git wa\ bơh làng bol, bơhìan, bơta mờng…den tàng khà hìu nha\ rbah gùt tiah đah tô mat tơngai mut dà lơgar gam jơnhua rlau 2,7 dơ\ pơndrờm mờ kờp bal bơh gùt lơgar mờ pơhìn cah ngài slơ ngài.  Den tàng,  rài tơmù rbah tàm tiah đah tô mat tơngai mut  dà lơgar la bơta lòng dờng ngan tàm bơta lơh ngan  bơh sang sơbì jơgloh tơmù rbah mờ gam geh ua\ bơta kal ke, kòl yan.

                   Cau cih mờ yal tơngit K’ Brọp