VOV4.K’ho – Mho òr 10/9, tàm Hìu lơh broă Gơnoar atbồ lơgar dê, ồng Nguyễn Xuân Phúc kuang geh jơng Gah Gùng dră bal dà lơgar, mơkung là Kuang jat jơng gơs gơnăp gơnoar atbồ hơđang rlau jơh dà lơgar neh wa\ rò mờ boh bơr đềt mềr ngan mờ 35 nă cau ala mat pơnrơ jak ngan rlau jơh ala tus rlau 1300 nă cau kra [òn, cau atbồ [òn mờ cau geh bơngă pin dờn tàm tiah làng bol kòn cau bơh càr Bắc Kạn dê, di dơ\ mpồl lòt còp càr lơgar Hà Nội mờ mu\t tàm gơlang [ồc còp ies [ồc Bác Hồ. Ồng Nguyễn Xuân Phúc đơs tờm, Đảng, Dà lơgar sùm đơs tờm gơnoar broă kuơmàng bơh cau kra [òn, cau atbồ [òn mờ cau geh bơngă pin dờn dê. Do là ală cau geh jơnau đơs kuơmàng, geh bơta kuơ uă tus mờ làng bol kòn cau, là cau lam lài tàm broă lơh tơn jơh jơgloh tơrmù r[ah, geh uă broă lơh pa, lơh krơh niam ai oh kòn, kòn sau mờ làng bol [òn lơgar in đòm jat. Ồng Nguyễn Xuân Phúc kơ\p kờn ală cau kra [òn, cau atbồ [òn, mờ cau geh bơngă pin dờn pơn jat tai lơh niam gơnoar broă bơh he dê, mu\t lơh niam ală gùng dà broă lơh bơh Đảng, mờ kơrnoat boh lam dà lơgar dê, lam sồr hòi jà làng bol ờ go\ di iat jơnau bơchồt pơrlồm pơn jồ bơh cau iơh dê, mờ pal jơh nùs bơtàu tơnguh lơh sa, sền gàr kloh niam tiah ơm kis, sang te\ ală adat bơhiàn bơngơl gơla ờ kuơ ờ niam.

Cau cih mờ yal tơngi\t - Lơ Mu K’ Yến