VOV4.K’ho – Drim òr 21/07, tàm Hìu lơh broă Gơnoar atbồ lơgar dê, ồng Nguyễn Xuân Phúc kuang geh jơng Gah Gùng dră bal dà lơgar, Kuang jat jơng gơs gơnăp gơnoar atbồ hơđang rlau jơh dà lơgar mờ là Kuang jat jơng atbồ Mpồl đơng lam Dà lơgar rcang sơndră sa kuề sa kùa neh rềp mềl wa\ rò ồng Wong Hong Kuan kuang atbồ Anih lơh broă lùp khàu broă lơh sa kuề sa kùa lơgar Singapore dê gam geh dơ\ còp mờ lơh broă tàm Việt Nam. Ồng Nguyễn Xuân Phúc đơs tờm, bơta gi\t gơ\p lơh broă bal dờng màng đah Việt Nam mờ Singapore pơn jat tai bơtàu tơnguh ngai sơlơ tơl làm mờ geh cồng nha rlau mờ đơs tờm: Đảng, Dà lơgar, Gơnoar atbồ lơgar Việt Nam sền dờng màng ngan broă lơh lùp sền, bơsong yal yă mờ rcang sơndră sa kuề sa kùa. Việt Nam sền do là kơnòl broă kuơmàng, là dùl tàm ală broă lơh lài khà dùl nàng bơ\t bơtàu dùl rài lơh broă dà lơgar jak chài, pa ngan, nàng rài lơh broă dà lơgar lơh broă geh cồng nha, sền dờng màng bơta loh làng, song dơ pă mờ sơlơ geh tai nùs nhơm bồ tơngoh niam tàm broă lơh dà lơgar dê.

Cau mblàng Lơ Mu K’ Yến