VOV4.K’ho – Ngai òr 04/11, tàm hìu lơh broă gơnoar atbồ lơgar, ồng Nguyễn Xuân Phúc kuang jat jơng gơs gơnap gơnoar atbồ hơđang rlau jơh dà lơgar wă ồng Bành Thanh Hoa, kuang atbồ đơng lam Đảng tiah atbồ is kòn cau Choang Quảng Tây, lơgar Lo.

Tàm dơ\ wă, ồng Nguyễn Xuân Phúc jờng rơ dơ\ tus còp Việt Nam bơh ồng Bành Thanh Hoa mờ mpồl kuang bàng càr Quảng Tây dê. Ồng Nguyễn Xuân Phúc đơs tờm: Đảng, Gơnoar atbồ lơgar Việt Nam jơh nùs sền dờng màng git gơp tam klac lơh bơ yô Việt Nam mờ Lo; đơs tờm cribơyai, tam klac đah ală Gah, sơnah lơh broă, ală tiah bơh 2 lơgar dê, ngan là đah ală càr tiah nhàr lơgar geh bơngă kuơ màng ngan, pơgồp bơnah chul chồl git gơp lơh broă bal tam klac tơl làm kuơ màng Việt Nam mờ Lo bơtàu tơnguh pràn kơldang, kơ\ kơljap. Ồng Nguyễn Xuân Phúc sồr 2 gah jơh nùs pơgồp bal kơ lôi sơnơng mờ mut lơh ală broă lơh ai geh [uơn [ùai rlau tai tus mờ broă cribơyai, tam klac lơh sa tiah nhàr dà lơgar, ai geh bơta [uơn [ùai tàm broă ai lòt rê tus mờ kòn bơnus, phan bơna, rơndeh rơndồ; tam klac krà` cê tàm broă sền gròi kòp bơ tờp, tam dră kă bro kơ`au, bal mờ gơp bơt bơtàu gùng nhàr lơgar ngap lơngai, lơh bơ yô, kơ\ kơljap mờ bơtàu tơnguh.

                                                                           Cau cih mờ yal tơngit K’ Duẩn.