VOV4.K’ho – Ngai òr 04/02, tàm Hìu duh broă Gơnoar atbồ lơgar dê, ồng Nguyễn Xuân Phúc kuang jat jơng gơs gơnăp gơnoar atbồ hơđang rlau jơh dà lơgar wa\ rò Mpồl duh broă yàng Phờk Dà lơgar Việt Nam mờ Mpồl duh broă bàp yàng Việt Nam lòt nting săp sa Tềp.

Tàm dơ\ wa\ rò, ồng Nguyễn Xuân Phúc đơs tờm, dà lơgar Việt Nam sùm sền dờng màng mờ sền gàr gơnoar khat gơboh pin dờn, jat yàng bơh làng bol dê mờ đơs tờm, hơ\ là dùl broă lơh ờ tu\ lơi tam gơl bơh Việt Nam dê kờn lơh geh gơnoar mờ bơta kuơ dipal mờ kơrnoat boh lam bơh ală gah jat yàng dê, lơh làng bol jat ală yàng in sùm iang nùs ơm kis jat yàng mờ sềr gàr bơta jat yàng niam tàm nùs nhơm jơi bơtiàn, pơ gồp bơnah lơh kơ\ kơl jăp mpồl tam klac dờng gùt jơi bơtiàn nàng bơ\t bơtàu mờ bơtàu tơnguh dà lơgar. Ồng Nguyễn Xuân Phúc kơ\p kờn Mpồl duh broă yàng Phờk Việt Nam mờ Mpồl duh broă bàp yàng Việt Nam pơn jat tai pơn jờng, bơto pơlam hìu yàng Phờk, hìu jum, cau duh broă yàng, mờ làng bol jat yàng lơh jat niam adat boh lam, lơh jat ală gùng dà broă lơh bơh Đảng mờ kơrnoat boh lam dà lơgar dê, brồ guh bơta pràn tam klac dờng gùt jơi bơtiàn, jơh nùs tus bal tàm broă bơtàu tơnguh lơh sa- mpồl bơtiàn, sền gàr dà lơgar mờ lơngăp lơngai.

Cau cih mờ yal tơngi\t- Lơ Mu K’ Yến