VOV4.K’ho -  Drim ngai 28/02, tềng hìu lơh broă Gơnuar ala mat dà lơgar, mpồl bơyai lơh pơrjum dờng tam klăc Gơnuar ala mat dunia dơ\ 132 (IPU 132) bơyai lơh pơrjum mờ ală gah, mpồl lơh broă gơrềng bal kờ` sền gròi, sền wơl broă rơcang sền gàr bơta lơngăp lơngai, ờ do ờ dă tus mờ pơrjum dờng. Đơs tàm dơ\ đơng lam pơrjum, ồng Nguyễn Xuân Phúc kuang jăt jơng gơs gơnăp gơnuar atbồ hờ đang rơlao jơh dà lơgar neh đơs tòm, do là broă lơh bal mờ lơgar bơdìh kuơ màng ngan mờ geh lơh dờng ngan bơh lài tus tu\ do mờ lơgar Việt Nam geh dờp lơh. Broă bơyai lơh geh cồng nha pơrjum dờng IPU 132 geh tơnguh rơlao tai gơnoar, bơngă Gơnuar ala mat dà lơgar Việt Nam tàm mpồl tam klăc Gơnuar ala mat dunia dê, pơgồp bal chồl pràn broă lơh g^t gơ\p, lơh bơyô, lơh broă bal bơh lơgar Việt Nam mờ ală lơgar tàm dunia. Tàm hơ\, broă tơl niam lơngăp lơngai, ờ do ờ dă geh kuơ màng ngan tàm broă bơyai lơh geh cồng nha pơrjum dờng IPU 132. Ồng Nguyễn Xuân Phúc sồr, tơngai bơh tu\ do tus bơyai lơh mu\t pơrjum dờng ờ gam jo\, ală gah, mpồl lơh broă mờ càr lơgar Hà Nội pal tơrgùm sền wơl, bơtơl, lơh gơs ală gùng dà, rơndăp broă lơh tơl niam ờ do ờ dă tus mờ pơrjum dờng do.