VOV4.K’ho -Drim òr 11/03, tàm kơnhoàl Ba Tơ, Mpồl đơng lam Đảng càr, Mpồl duh broă ala mat làng bol càr, Anih duh broă làng bol càr, Anih duh Gah tề lam gùng dră bal dà lơgar Việt Nam càr Quảng Ngãi bơyai lơh yu\ rơ yùm Dơ\ tơngkah 70 nam Ntàu tam lơh Ba Tơ ( 11/3/1945- 11/3/2015), dờp rò Gai lòng Ngap lơngai is khà III ai kuang bàng mờ làng bol kơnhoàl Ba Tơ in. Đơs tàm dơ\ bơyai lơh, ồng Nguyễn Xuân Phúc kuang jăt jơng gơs gơnăp gơnuar atbồ hơđăng rlau jơh dà lơgar đơs tờm: Ntàu tam lơh Ba Tơ là dùl tàm dùl ê\t ngan dơ\ ntàu tam lơh tàm tu\ tơngai lài mờ Ka] màng nhai phàm ai geh bơta jai pha. Cồng nha lơh geh do là kơnờm geh bơta đơng lam bơh Đảng dê, nùs nhơm kờ` gơboh dà lơgar bơh làng ală kòn cau kơnhoàl Ba Tơ mờ càr Quảng Ngãi. Ala mat kuang đơng lam bồ Đảng mờ Dà lơgar, ồng Nguyễn Xuân Phúc jờng rơ ală cồng nha dờng ơnàng ngan mờ ling klàng bal mờ làng bol kơnhoàl Ba Tơ đơs is mờ càr Quảng Ngãi đơs bal lơh geh tàm 70 nam do. Ồng Nguyễn Xuân Phúc, đơs: “ A` sồr Mpồl Đảng, Gơnuar atbồ mờ làng bol kơ nhoàl Ba Tơ đơs is mờ Mpồl Đảng, Gơnuar atbồ mờ càr Quảng Ngãi đơs bal, lơh ngan jơh nùs lơh gơs ală jơnau kờn mờ kơ nòl broă bơtàu tơnguh lơh sa- mpồl bơtiàn nam 2015 mờ 5 nam bơh nam 2010- 2015, jăt ală Kơrnuat bơh Pơrjum dờng Mpồl Đảng càr dê. Mùl màl, Quảng Ngãi kờn pal mu\t lơh niam 3 broă bơtàu tơnguh dờng màng, tơnguh jơnhoa cồng nha gơguh tai lơh sa mờ bơta pràn tàm pơr lòng bơh rài lơh sa dê; ai geh uă priă jền rlau tai ai bơta bơtàu tơnguh lơh broă sa sươn sre mờ bòn lơgar pa gơ jăt bal mờ tơn jơh jơgloh tơr mù rbah, ngan là gơ wèt tus mờ ală kơ nhoàl kơh bơ nơm tiah đah măt tơngai mu\t. Sền gròi bơtàu tơnguh tơl làm ală broă bè chài rơ gơi, mpồl bơtiàn, lơh sơ nơm, mpồl cau lơh broă geh bồ tơngoh jak; tơrgùm gàr kơ\ bơta ngăp lơngai gùng dră bal rơndăp tăp sèng ờdo ờdă gùt mpồl bơtiàn”.

                                                }au mblàng Lơ Mu K’ Yến