VOV4.K’ho - Drim òr, 13/1, tàm Hà Nội, ồng Nguyễn Xuân Phúc kuang jăt jơng gơs gơnăp gơnuar atbồ hờđang rlau jơh dà lơgar tus bal pơrjum tơn jơh broă lơh sền gàr niam ờdo ờdă gùng lòt nam 2014 mờ mut lơh kơnòl broă nam 2015 bơh Anih duh broă ờdo ờdă gùng lòt dà lơgar dê bơyai lơh. Pơrjum geh lơh pờ tơn tàm internet tàm 63 anih tàm tơrbo\ bal tàm gùt lơgar. Pơndu\t pơrjum, ồng Nguyễn Xuân Phúc đơs niam ngan ală cồng nha lơh geh bơh Anih duh broă ờdo ờdă gùng lòt dà lơgar dê tàm nam 2014. Ồng kung đơs bè ală bơta gam gơkòl, ờ hềt pràn jak tàm broă lơh sền gàr niam ờdo ờdă gùng lòt tàm ù tiah gùt lơgar dê. Kuơmàng, nam do ală dơ\ pơhìn ờdo ờdă gùng rơndeh par gơguh uă lơh gơlik bơta kơlôi rcăng ờ suk tus làng bol in. Nam 2015, ồng Nguyễn Xuân Phúc đơs la, kờn pal pơnjăt tai ai broă lơh tờm là lơh kràn lơh sa kă bro pơndiang phan bal mờ jơnau kờn màng kis kòn bơnus là dờng màng rlau jơh. Jơh ală càr pal tơr mù bơh 5-10% khà cau chơ\t tài bơh rềs àr gùng lòt. Ồng sồr, tàm dơ\ sa tềp mờr tus, ală Gah, sơnah lơh broă dà lơgar mờ ală càr, bòn dờng pal mu\t lơh niam Kơrnuat sồr bơh Gơnuar atbồ lơgar dê nàng kờ` sền gàr niam ờdo ờdă gùng lòt.

                                                }au mblàng Lơ Mu K’ Yến.