VOV4.K’ho- Ngai do 10/11, ồng Nguyễn Xuân Phúc Thủ tướng Chính phủ geh ala măt Chính phủ đơs mblàng yal, lơh loh làng tai bàr pe broă gơ wèt kơnòl bal bơh Chính phủ dê tàm pơrjum dơ\ 10, Quốc hội khoá XIV.

Ală broă geh kuang bàng Quốc hội lùp Thủ tướng là kòp dờng Covid-19 tu\ do gam bơtờp wơl uă ngan tàm dunia, Việt Nam là lơgar geh rài lơh sa pờ den tàng digơlan geh gơrềng tus bơtàu tơnguh lơh sa tàm ală nam pơn jăt tai. Den tàng bè hơ\, kờp du\ gơguh GDP geh pơgăp 6% tàm nam 2021 digơlan ờ lơh geh. Chính phủ geh ală broă lơh tam gơl mhar lơi nàng lơh geh khà gơguh GDP là 6%. Halà ală broă bè niam chài, mpồl bơtiàn, tiah ơm kis, lơh sơnơm, rơcăng sơndră trồ tiah lơh aniai, broă lơh bơtàu tơnguh kơ\ kơl jăp gơ jăt bal mờ sền gàr tiah ơm kis, bơtàu tơnguh niam chài…kung geh lùp sơl. Ồng Nguyễn Xuân Phúc geh pơgăp 2 jiơ nàng yal mờ mblàng yal lơh loh ală broă gơ wèt kơnòl bal bơh Chính phủ dê.

Cau mblàng Lơ Mu K’Yến