VOV4.K’ho- Mho ngai 25/11, tàm hìu lơh broă Chính phủ, ồng Nguyễn Xuân Phúc Thủ tướng Chính phủ geh dơ\ tìp mat mpồl cau ala mat 124 mpồl lơh sa kă bro geh phan bơna lơh geh mat kă bro dà lơgar nam 2020. Jat khà kờp yal bơh 124 mpồl lơh sa kă bro geh phan bơna lơh geh mat kă bro dà lơgar dê, kờp jơh pria\ lơh geh nam lài bơh ală mpồl lơh sa kă bro dê geh rlau 137 rơbô tơmàn đong, kờp jơh pria\ tă dia dà lơgar rlau 200 rơbô tơmàn đong, lơh geh broă lơh broă sa ai rlau 471 rơbô nă cau lơh broă in.

Thủ tướng dờp phan kir sơn rai bơh Mpồl  duh broă Mat phan mat kă bro dà lơgar Việt Nam dê

Đơs tàm dơ\ tìp mat, ồng Nguyễn Xuân Phúc Thủ tướng Chính phủ chờ gờm ală mpồl lơh sa kă bro geh phan bơna lơh geh mat kă bro dà lơgar Việt Nam nam 2020. Thủ tướng sồr, tàm tơngai tus ală mpồl lơh sa kă bro geh phan bơna mat kă bro dà lơgar đơs is mờ mpồl lơh sa kă bro, cau lơh sa kă bro đơs bal pơn jat tai lơh jat niam gơnoar broă lam lài tam gơl pa bơceh pa mut gơ rờm bal mờ dunia di pal là bơta gơn kơnờm kuơ màng tàm broă lơh bơt bơtàu, tam gơl pa mờ bơtàu tơnguh dà lơgar Việt Nam dê.

Cau mblàng K’ Hạnh