VOV4.K’ho - Ngai òr (6/1), ồng Phạm Bình Minh kuang jat jơng gơs gơnap gơnoar atbồ hơđang rlau jơh dà lơgar, mờ la kuang atbồ gah cri bơyai broa\ lơh bal mờ lơgar ndai lơgar he neh geh dơ\ cri bơyai broa\ hòi điện thoại mờ ồng John Kerry kuang atbồ gah cri bơyai broa\ lơh bal mờ lơgar ndai lơgar Mỹ di tu\ tus nam pa nàng geh bơyai bè bơta git gơp 2 lơgar mờ ờ ua\ bơta tàm kơnhoàl mờ 2 lơgar sền gròi bal. Ồng Phạm Bình Minh mờ ồng John Kerry geh jơnau đơs tam pà bal đơs ngan nam 2015 la nam geh cồng nha bơh bơta git gơp bơh 2 lơgar mờ geh ring bal bơh 2 gah kờ` pal geh lơh bal nền nòn ngan rlau nàng geh lơh niam git gơp mờ tơngguh lơh broa\ bal,  ai bơta git gơp lơh broa\ bal tơl làm geh gơmut tàm bơta dờng màng, geh cồng nha. 2 gah kung  geh cri bơyai bè ờ ua\ bơta tàm kơnhoàl Châu Á-Thái Bình Dương, tàm hơ\ geh jơnau gơlik geh tàm dà lềng đah mat tơngai lik, geh đơs la bơta  git gơp ASEAN-Mỹ neh geh  ua\ ngan gơguh jak kuơ màng ngan tàm nam 2015, ngan la broa\ crơng gơs lơh broa\ bal kuơ màng mờ tàm tơngai tus ala\ lơgar ASEAN mờ Mỹ kờ` pal lơh broa\ bal tam klac rlau tai nàng bơtàu tơngguh rlau tai git gơp do.

                             Cau cih mờ yal tơnggit K’ Brọp