VOV4.K’ho – Drim òr, 24/5, tàm Hà Nội, ồng Phạm Bình Minh, kuang jat jơng gơs gơnap gơnoar atbồ hơđang rlau jơh da flơgar, kuang atbồ gah cribơyai broă mờ lơgar ndai dà lơgar neh geh dơ\ cribơyai mờ ồng John Kerry kuang atbồ gah cribơyai broă mờ lơgar ndai lơgar Mỹ, di dơ\ tus còp ngan ngồn lơgar Việt Nam bơh ồng Barack Obama kuang atbồ lơgar Mỹ. Ồng Phạm Bình Minh đơs niam ală dơ\ tìp mat đah kuang đơng lam bồ dờng màng lơgar Việt Nam mờ ồng Barack Obama neh tơrgùm cribơyai bè ală broă lơh chul chồl git gơp lơh bơyô mờ tam klac 2 lơgar mờ tàm ală bơta kơnhoàl mờ dunia, 2 gah tơlik jơnau yal bơr bal đah ồng Trần Đại Quang kuang atbồ lơgar he mờ ồng Barack Obama mờ ki\ geh uă jơnau ringbal geh kuơ, ngan là bè lơh sa, kă bro, bơcri priă mờ tam klac rơcang sơndră tam gơl trồ tiah mờ bơsong jơnau gơlời wơl bơh rài tam lơh. Ồng Phạm Bình Minh mờ ồng John Kerry neh cribơyai bè ală bơta tàm kơnhoàl mờ dunia mờ 2 gah sền gròi bal, tàm hơ\ geh bơta dà lềng đah mattơngai lik, kuơ màng là broă bơt bơtàu mờ bơtàu tơnguh bơngă lơh tờm bơh mpồl ASEAN dê tàm ală bơta tàm kơnhoàl, pơgồp bơnah jơh nùs tàm broă sền gàr ngap lơngai, kơ\ kơljap mờ tam klac bơh kơnhoàl dê.

                      Cau cih mờ yal tơngit K’ Duẩn.