VOV4.K’ho – Drim òr 8/6, tàm Hìu duh broă Gơnoar atbồ lơgar dê, ồng Phạm Bình Minh kuang jat jơng gơs gơnăp gơnoar atbồ hơđang rlau jơh dà lơgar mơkung là Kuang atbồ Gah Cribơyai broă mờ lơgar ndai dà lơgar đơng lam dơ\ pơrjum Mpồl đơng lam Dà lơgar bè ODA mờ priă càn ờ sa priă cồng uă. Jat jơnau yal bơh Gah Rơndăp broă mờ bơcri priă dà lơgar dê, kờp jơh priă jền ală jơnau pơrgon ki\ hơ bè ODA mờ priă càn ờ sa priă cồng uă gơlơh bè ngai sơlơ gơmù bơh nam 2013 tus tu\ do. Nàng lơh geh jơnau kờn ai càn priă mờ tơnguh jơnhoa cồng nha ngui priă ODA mờ priă càn ờ sa priă cồng uă tàm tơngai tus, ală kuang bàng đơs là: kờn pal ai lài ngui jat tơl bơnah priă (ODA ờ tơm wơl, ODA priă càn, priă càn ờ sa priă cồng uă), pơgồp bal ală broă lơh, rơndăp broă sồr lơh tơl ală bơta pal geh tàm broă rơndăp lơh bơcri priă dà lơgar pah nam mờ di mơ tơngai nàng lam mu\t lơh; mu\t lơh niam ală jơnau hơ pơrgon tă pơgồp priă jền bơh đah lơgar Việt Nam dê, tàm hơ\ geh: broă lơh tơm priă ai ù, ai cau lơh broă geh broă lơh jak, ai tơl mờ di tu\ priă tă pơgồp. Anih lơh broă geh gơnoar mờ cau tờm rơndăp broă lơh kờn pal tơnguh jơnhoa cồng nha broă lơh rơcang lài, rơndăp lơh rơndăp broă gơ jat bal mờ sơlơ tơnguh tai gơnoar broă, kơnòl broă sền gròi kờn tơrmù uă ngan rlau jơh ală bơta lơh wơl, tam gơl tàm ală tu\ mu\t lơh rơndăp broă lơh nàng pleh lơh gơbàn pơ hì pơ hà mờ jo\ jòng tu\ tơngai mu\t lơh rơndăp broă.

Cau cih mờ yal tơngi\t- Lơ Mu K’ Yến