VOV4.K’ho - Dờp jơnau jà bơh ồng Phạm Bình Minh kuang jat jơng gơs gơnap gơnoar atbồ hơđang rlau jơh dà lơgar, Kuang atbồ gah cri bơyai broa\ lơh bal mờ lơgar ndai lơgar he, ồng Saleumxay Kommasith kuang atbồ gah cri bơyai broa\ lơh  bal mờ lơgar ndai lơgar Lào neh bal mờ pơ ùr mờ mpồl kuang bàng Gah cri bơyai broa\ lơh bal mờ lơgar ndai lơgar Lào tus còp lơgar Việt Nam.

            Mho òr (8/6),  tàm Hìu nac Gơnoar atbồ lơgar, ồng Phạm Bình Minh neh geh dơ\ cri bơyai broa\ mờ ồng Saleumxay Kommasith. Tàm dơ\ cri bơyai broa\, ồng Phạm Bình Minh neh đơs niam ồng Saleumsay Kommasith rwah Việt Nam la lơgar sơnrờp geh lòt còp ngan ngồn Gah cri bơyai broa\ lơh bal mờ lơgar ndai dà lơgar. Kuang atbồ gah cri bơyai broa\ lơh bal mờ lơgar ndai lơgar Lào đơs tờm geh lơh ngan ta\ pơ gồp tàm broa\ sùm geh lơh niam mờ bơtàu tơngguh tus git gơp lơh broa\ bal bơh Gah cri bơyai broa\ lơh bal mờ lơgar ndai bơh 2 lơgar đơs is,  kung bè ta\ pơ gồp tus git gơp tam klac kuơ màng Lào-Việt Nam đơs bal. 2 kuang neh đơs bơta chờ hờp tềng   bơta bơtàu tơngguh mhar mờ geh cồng nha bơh git gơp lơh broa\ bal Việt Nam-Lào tàm jơh ala\ gah broa\, bơh gùng dra\ bal- lơh broa\ mờ lơgar ndai,  sền gàr dà lơgar tus lơh sa,  ka\ bro, bơcri lơh sa, bơto bơtê,  gùng lòt pơndiang phan.

                   Cau cih mờ yal tơnggit K’ Brọp