VOV4.K’ho - Dờp jơnau jà bơh ồng Fumio Kishida kuang atbồ Gah cribơyai broă mờ lơgar ndai lơgar Nhờk, ồng Phạm Bình Minh kuang atbồ Gah cribơyai broă mờ lơgar ndai dà lơgar he còp lơgar Nhờk bơh ngai 29 tus ngai 31/7, đơng lam bal dơ\ pơrjum Anih duh broă tam klac Nhờk mờ Việt Nam dơ\ 7 mờ tìp mat cribơyai broă mờ ồng Fumio Kishida. Tàm ală dơ\ tìp mat mờ ồng Fumio Kishida mờ ală kuang đơng lam bồ lơgar Nhờk, ồng Phạm Bình Minh đơs tờm, Đảng mờ Gơnoar atbồ lơgar Việt Nam sùm sền Nhờk là lơgar lơh broă bal kuơ màng lài ngan bè tam klac lơh sa mờ tu\ lơi kung kờ` bal mờ đah lơgar Nhờk chul chồl git gơp lơh broă bal jrô ơnàng đah 2 lơgar bơtàu tơnguh ngan ngồn mờ tơl làm tàm tơl gah bè gùng dră bal, lơh sa, sền gàr ngap lơngai, sền gàr dà lơgar, lơh sa suơn sre… Bè đah lơgar Nhờk, ồng Shinzo Abe kuang gơs gơnap gơnoar atbồ hơđang rlau jơh lơgar Nhờk đơs tờm, sền Việt Nam là dùl tàm ală lơgar lơh broă bal kuơ màng tàm kơnhòal mờ kơp kờ` bal mờ kuang đơng lam bồ lơgar Việt Nam pơnjat tai chul chồl pràn kơldang mờ tơl làm rlau git gơp lơh broă bal kuơ màng Việt Nam mờ Nhờk tàm tơngai tus.

                                                                                    Cau mblàng K' Duẩn.