VOV4.K’ho – Tàm dơ\ tus lơgar Lo tus bal dơ\ pơrjum dơ\ 8 bơh Anih duh broă đơng lam tam klac lơh broă bal 2 gah đah Việt Nam mờ Lo. Mho òr, 18/06, tàm Hìu lơh broă Gơnoar ala mat dà lơgar Lo dê, ồng Phạm Bình Minh kuang jat jơng gơs gơnăp gơnoar atbồ hơđang rlau jơh dà lơgar Việt Nam neh tìp mat cribơyai broă mờ ồng Lý Khắc Cường kuang gơs gơnăp gơnoar atbồ hơđang rlau jơh dà lơgar Lo. Ồng Phạm Bình Minh sồr ồng Lý Khắc Cường sền gròi, đơng lam ală kơnă, ală gah sơnah lơh broă mờ ală càr, [òn dờng lơgar Lo dê mu\t lơh niam cồng nha lơh geh tàm dơ\ pơrjum do; jơh nùs chul chồl ală broă lơh tam klac lơh bal ngan ngồn bơtàu tơnguh ring bal, song niam, ndrờm bal geh kuơ bal, ngan là lơh geh tơl ală bơta niam sơlơ blơi phe, mờ ală bơta phan lơh geh bơh sươn sre brê bơnơm mờ phan tàm dà bơh lơgar Việt Nam dê nàng pơgồp bơnah bơsong bơta priă tă blơi phan bơh lơgar Lo; lơh geh tơl ală bơta niam ai broă sơlơ tìp mat, lơh quèng, tam klac lơh broă bal geh kuơ bal đah ală tiah nhàr lơgar bơh 2 lơgar dê, gròi sền niam bơta ờ ring bal tàm Dà lềng Đah mat tơngai lik, ờ lơh kal ke tai bơta tàm dà lềng, bơsong jơh ală bơta ờ ring bal jat tàm adat boh lam dunia, Jơnau pơrgon Anih duh broă dunia dê bè Adat dà lềng nam 1982.

                                     Lơ Mu K’ Yến