VOV4.K’ho – Mho òr 7/9, tàm Hà Nội, Gah Cribơyai broă mờ lơgar ndai dà lơgar mờ Gah Kuang àng dà lơgar bơyai lơh dơ\ ki\ kơrnoat pơgồp bal bè sơlơ sền gàr niam bơta lơngăp lơngai, ờdo ờdă jơnau yal tơngi\t bơh Gah Cribơyai broă mờ lơgar ndai dà lơgar dê mờ jàu pà Gai lòng kir sơnrai “Tài broă lơh lơh broă mờ lơgar ndai lơgar Việt Nam” bơh Gah Cribơyai broă mờ lơgar ndai dà lơgar dê ai ală kuang bàng đơng lam Gah Kuang àng dà lơgar in.

Gah Kuang àng dà lơgar mờ Gah Cribơyai broă mờ lơgar ndai dà lơgar ki\ kơrnoat bè ờdo ờdă yal tơngi\t jơnau

Tàm ală nam do, mpồl kuang àng làng bol neh pơgồp bal niam mờ Gah Cribơyai broă mờ lơgar ndai dà lơgar, kuơmàng là tus mờ Anih lơh broă ala mat lơgar Việt Nam tàm ală lơgar tàm broă lơh dan mờ Đảng, mờ Dà lơgar ală gùng dà broă lơh mờ broă rơndăp lơh, bơta boh bơr lơh broă dipal tàm bơta gi\t gơ\p mờ ală lơgar; drơng ai broă crơng gơs bơta gi\t gơ\p “cau tam klac lơh broă bal dờng màng”, rề ơnàng tam klac lơh broă geh kuơ bal, drơng bơtàu tơnguh; sền gàr anih lơh broă ala mat, cau làng bol Việt Nam tàm lơgar ndai. Tàm dơ\ lơh, ồng Phạm Bình Minh kuang jat jơng gơs gơnăp gơnoar atbồ hơđang rlau jơh dà lơgar mơkung là Kuang atbồ Gah Cribơyai broă mờ lơgar ndai dà lơgar đơs tờm: Gah cribơyai broă mờ lơgar ndai dà lơgar mờ Gah Kuang àng dà lơgar neh pơgồp bal niam ngan nàng mu\t lơh niam jơnau sồr, kơnòl broă geh jàu; kơ\p kờn tàm tơngai tus ală mpồl lơh broă geh gơrềng bơh 2 gah do dê pơn jat tai geh ală broă rơndăp lơh ngan ngồn nàng mu\t lơh geh cồng nha kơrnoat pơgồp bal; pơgồp bơnah sơlơ tơnguh tai bơta gi\t gơ\p tam klac bal đềt mềr, pơgồp bơnah kuơmàng ai broă lơh lơh broă mờ lơgar ndai bơh dà lơgar in.

Cau mblàng Lơ Mu K’ Yến