VOV4.K’ho – Mho òr 22/12, tàm Hìu duh broă Gah Cribơyai broă mờ lơgar ndai dà lơgar dê, ồng Phạm Bình Minh kuang jat jơng gơs gơnăp gơnoar atbồ hơđang rlau jơh dà lơgar mơkung là Kuang atbồ Gah Cribơyai broă mờ lơgar ndai dà lơgar wa\ ồng Akif Ayhan kuang atbồ Anih lơh broă ala mat lơgar Thổ Nhĩ Kỳ lòt tìp mat di dơ\ dờp lơh kơnòl broă tàm lơgar Việt Nam.

Tàm dơ\ wa\, ồng Phạm Bình Minh chờ hờp mờ gờm chờ ồng Akif Ayhan geh pồ lơh Kuang atbồ Anih lơh broă ala mat lơgar Thổ Nhĩ Kỳ tàm Việt Nam mờ đơs tờm: Việt Nam sùm sền dờng màng bơtàu tơnguh bơta gi\t gơ\p tam klac bal uă broă mờ lơgar Thổ Nhĩ Kỳ. Ồng Phạm Bình Minh tơlik nùs nhơm chờ hờp tềng đap ală bơta bơtàu tơnguh uă ngan tàm bơta gi\t gơ\p đah 2 lơgar tàm tơngai lài, kuơmàng tàm broă lơh sa. Ồng Phạm Bình Minh sồr ồng Akif Ayhan hòi jà nàng ală mpồl lơh sa kă bro lơgar Thổ Nhĩ Kỳ bơcri priă tàm ală rơndăp broă lơh bơ\t bơtàu phan bơna, gùng lòt- pơndiang phan, lơh sa mờ măy mok tàm ală tiah bơh lơgar Việt Nam dê mờ sơlơ ai tai cau lơh broă Việt Nam dê tus lơh broă tàm ală rơndăp broă lơh bơ\t bơtàu tàm lơgar Thổ Nhĩ Kỳ mờ tàm lơgar dơ\ pe bơh mpồl lơh sa kă bro lơgar Thổ Nhĩ Kỳ dê lơh cau tờm bơcri lơh. Ồng Phạm Bình Minh kơ\p kờn tàm tơngai lơh broă bơh he dê, ồng Akif Ayhan geh uă tă pơgồp jơh nùs tàm broă lơh sơlơ tơnguh rlau tai bơta gi\t gơ\p lơh bơyô bal đah Việt Nam mờ Thổ Nhĩ Kỳ.

Cau cih mờ yal tơngi\t- Lơ Mu K’ Yến