VOV4.K’ho – Gơ ơm tàm ală broă lơh bơh mpồl kuang bàng ala mat dờng màng lơgar Việt Nam dê lòt Pơrjum dờng Anih lơh broă ala mat ală lơgar bơh Anih duh broă dunia dơ\ 70 dê, ngai òr, ồng Phạm Bình Minh kuang jat jơng gơs gơnăp gơnoar atbồ hơđang rlau jơh dà lơgar mơkung là Kuang atbồ Gah Cribơyai broă mờ lơgar ndai lơgar Việt Nam wa\ ồng Antony Blinken kuang jat jơng atbồ dơ\ dùl Gah Cribơyai broă mờ lơgar ndai lơgar Mỹ dê tàm Hìu lơh broă Mpồl kuang bàng ala mat sùm lơgar Việt Nam tàm Anih duh broă dunia. Tàm dơ\ wa\, ồng Phạm Bình Minh ưn ngài bơta lơh bal niam ngan bơh Gah Cribơyai broă mờ lơgar ndai lơgar Mỹ dê tàm broă rơndăp tăp sèng mờ wa\ rò mpồl kuang bàng bơh ồng Nguyễn Phú Trọng kuang atbồ đơng lam Đảng dà lơgar Việt Nam lam bồ tàm dơ\ lòt còp lơgar Mỹ lơh geh cồng nha niam bơne\, mơkung cribơyai bè ală broă lơh kờn mu\t lơh ală cồng nha bơh dơ\ lòt còp dê kung bè Jơnau yal bơr Pah sền gi\t gơ\p đah Việt Nam mờ Mỹ mờ kuang bàng đơng lam bồ jơnhoa ngan rlau jơh bơh 2 lơgar dê neh dùl nùs ring bal tàm nhai 7 pa do, kuơmàng tàm ală broă lơh sa- kă bro- bơcri priă, tam klac bal bơto bơtê- lơh sơnơm, sền gàr dong kờl kòn bơnus, gùng dră bal, lơngăp lơngai- sền gàr dà lơgar…Ồng Phạm Bình Minh đơs tờm, 2 gah kờn pal pơn jat tai sơlơ cribơyai mờ tìp mat bal tàm ală kuang bàng ală kơnă kờn chồl guh rlau tai ală broă tam klac lơh bal mờ 2 gah sền gròi bal tàm jơh bal pe kơnă 2 gah, tiah do mờ gùt plai ù, mơkung tơrmù [à ală bơta krơi is đah 2 lơgar tài bơta kuơ bơh làng bol 2 lơgar, mờ tài ring lơngai, kơ\ kơl jăp mờ bơtàu tơnguh tàm tiah do.

Cau cih mờ yal tơngi\t- Lơ Mu K’ Yến