VOV4.K’ho - Pơn jăt tai dơ\ lòt lơh broă tàm Tây Nguyên: Mho ngai òr 10/03, ồng Phạm Bình Minh kuang jăt jơng gơs gơnăp gơnuar atbồ hơđăng rlao jơh dà lơgar, mơkung là Kuang atbồ Gah Cribơyai broă mờ lơgar ndai dà lơgar neh lơh broă mờ kung đơng lam bồ càr Kon Tum bè broă lơh sa-mpồl bơtiàn, sền gàr dà lơgar, sền gàr bơta ngăp lơngai mờ broă lơh mờ lơgar ndai bơh càr dê. Đơs tàm dơ\ lơh broă, ồng Phạm Bình minh đơs tờm: Kon Tum là càr dùl lơm tàm gùt lơgar geh gùng nhàr lơgar mờ 2 lơgar gơ\p bơ yô Lào mờ Campuchia, càr kờn pal pơn jăt tai lơh niam ală broă lơh tiah nhàr lơgar ngăp lơngai, gi\t gơ\p lơh bơ yô bal nàng bơtàu tơnguh bal. Gơ wèt mờ broă lơh dong kờl ală tiah bơh lơgar gơ\p bơ yô Lào mờ Campuchia dê mờ ătbồ sền gàr gùng nhàr lơgar, ồng Phạm Bình Minh tơngkah:“Tàm bơto bơtê, bol he sền go\ là kờn pal lơh niam rlau tai bơto bơtê. Cau lòt bơsram kờn pal geh bồ tơngoh gi\t wa\ ngan ngồn nàng tu\ neh bơto bơtê tàm Việt Nam rê hờ lơgar tờm khi geh bơta pràn jak ngan ngồn. Tus mờ ờ geh bơta pràn jak bơsram, den cồng nha jơh bơ sram ờ geh uă, aniai tơn, cèng broă lơh mờ lơgar ndai, bơ\t bơtàu tai bơhiàn, bơ\t bơtàu gùng nhàr lơgar geh bơta dong kờl bơh bol he dê. Bè bơta wah ù tiah, sơn tơ\p jrong nhàr lơgar, gơ wèt mờ lơgar gơ\p bơ yô Lào, pơn jăt tai lơh jơh ală sră nggal. Gơ wèt mờ lơgar gơ\p bơ yô Campuchia geh tă pơ gồp bal tàm broă bơ\t bơtàu kơrnuat atbồ tiah nhàr lơgar tu\ bol he jơh lơh broă wah ù tiah nhàr lơgar. Jơnau kờn bơh bol he dê là kờn gùng nhàr lơgar ngăp lơngai, kơ\ kơl jăp, gi\t gơ\p lơh bơ yô bal mờ tă pơ gồp tàm bơta ngăp lơngai dà lơgar dê”.