VOV4.K’ho -  Pơnjat tai dơ\ lơh broă tàm Tây Nguyên, drim òr 10/03, ồng Phạm Bình Minh kuang jat jơng gơs gơnap gơnuar atbồ hờđang rlao jơh dà lơgar, mơ là kuang atbồ gah cribơyai broă mờ lơgar ndai dà lơgar bal mờ mpồl lơh broă dà lơgar neh geh dơ\ lơh broă tàm càr Gia Lai bè bơta lơh sa mpồl bơtiàn mờ broă lơh mờ lơgar cau, đal git nhàr ù tiah tồt `jrong. Yal mờ ồng Phạm Bình Minh, ồng Phạm Thế Dũng kuang atbồ anih duh broă làng bol càr Gia Lai pà git, nam 2014, càr kung gam gàr khà bơtàu tơnguh lơh sa jơnhua, mờ khà 12,71%. GDP kờp bal tàm 1 nă cau geh rlau 34 tơlak, gơguh mờr 14% pơn drờm mờ nam 2013. Đơs tàm dơ\ lơh broă, ồng Phạm Bình Minh đơs niam ală cồng nha càr Gia Lai dê tàm bơtàu tơnguh lơh sa mpồl bơtiàn. Càr neh geh uă bơta lơh ngan mờ mut lơh niam ală kơnòl tàm broă đal git nhàr ù tiah, tồt `jrong kung bè broă cribơyai mờ lơgar cau. Kuơ màng, ồng Phạm Bình Minh đơs niam broă càr Gia Lai bơt bơtàu geh git gơp lơh bơ yô, tam klac mờ ală càr di lơgar Campuchia.

                                                                        }au mblàng K’ Duẩn