VOV4.K’ho - Mho òr 08/03, tơ nơ\ dơ\ lòt còp mờ lòt sền tiah nhàr lơgar tàm Pôs đồng ling sền gàr nhàr lơgar Bu Prăng, ồng Phạm Bình Minh kuang jăt jơng gơs gơnăp gơnuar atbồ hờđang rlao jơh dà lơgar, mơkung là Kuang atbồ Gah Cribơyai broă mờ lơgar ndai dà lơgar bal mờ mpồl lơh broă bơh Gơnuar atbồ lơgar dê, neh geh dơ\ lơh broă mờ kuang đơng lam càr Dak Nông bè broă bơtàu tơnguh lơh sa- mpồl bơtiàn, broă lơh mờ lơgar ndai mờ wah ù tiah sơn tăp jrong nhàr lơgar. Jăt jơnau yal tàm dơ\ lơh broă do, nam 2014, khà gơguh tai lơh sa bơh càr Dak Nông dê lơh geh mờr 12%, kờp jơh priă bơcri gùt làng bol [òn lơgar geh 12 rbô 500 tơmàn, priă geh bơh tăc phan mờ lơgar ndai là 686 tơlak dolar Mỹ. Pah nam, Dak Nông dong kờl càr gơ\p bơ yô Muldukiri lơgar Campuchia bè broă lơh sơ nơm, bơto bơtê kờp priă rlau 5 tơmàn. Tơngai tus, Dak Nông tơr gùm jơh pràn tàm broă bơtàu tơnguh lơh sa mờ măi mok jòi phan kuơ tàm ù, brồ guh bơta pràn, bơta jak bè bausite, bơcri priă bơtàu tơnguh lơh sa mờ măy mok lơh gơlik phan lơh geh bơh sươn sre, mờ bơtàu tơnguh broă lơh sa sươn sre jăt ngui măi mok jak chài pa. Đơs tàm dơ\ lơh broă, ồng Phạm Bình Minh đơs niam ngan ală cồng nha mờ Mpồl Đảng, Gơnuar atbồ mờ làng bol càr Dak Nông neh lơh geh tàm tơngai lài, kuơmàng là neh bơ\t bơtàu bơta gi\t gơ\p lơh broă bal lơgar rềp bal tam klăc bal mờ lơgar gơ\p bơ yô Campuchia. Bè broă lơh wah ù tiah sơn tăp jrong nhàr lơgar, ồng Phạm Bình Minh, pà git:“ Tơngai lài, bol he neh ring bal mờ lơgar Campuchia, Anih duh broă tiah nhàr lơgar dà lơgar mờ bal mờ càr, neh jơh lơh geh ờ uă jrong nhàr lơgar. Mơya, gam wơl jrong nhàr lơgar tàm Bu Prăng là 1 tàm 7 anih ờ hềt wah ù tiah sơn tăp jrong nhàr lơgar gam geh sồr lơh jơh nùs ngan, nàng jòi geh broă lơh niam ngan rlau jơh. Bol he neh jơh wah ù tiah sơn tăp jrong nhàr lơgar mờ lơgar Lo, Lào mờ jơh ală gùng nhàr lơgar tàm ù gờl gam geh ătbồ sền gàr ngăp lơngai, mìng gam wơl mờ lơgar Campuchia, den bol he mờr geh gùng nhàr lơgar hờ ù gờl ngăp lơngai ngan gi\t gơ\p lơh bơ yô bal, drơng jơnau kờn sền gàr gơnuar tờm ngăp lơngai tiah nhàr lơgar. Kờn pal geh gùng dà broă lơh wah ù tiah nhàr lơgar jăt di adăt boh lam mờ di mờ jơnau ring bal đah 2 lơgar mờ bol he gam jơh nùs mu\t lơh”.

Di tàm dơ\ do, ồng Phạm Bình Minh ala măt Gah Cribơyai broă mờ lơgar ndai dà lơgar dong kờl Mpồl cau gơtìp sơ nơm khih dioxin lơh aniai càr Dak Nông in khà priă 100 tơlak