VOV4.K’ho- Tàm Hìu duh broă Bộ Ngoại giao, ồng Phạm Bình Minh Phó Thủ tướng Chính phủ, Bộ trưởng Bộ Ngoại giao Việt Nam neh cribơyai tàm điện thoại mờ ồng Dominic Raab Bộ trưởng Bộ Ngoại giao lơgar Anh.

Bàr gah tơngo\ nùs nhơm chờ hờp tềng đăp bơta bơtàu tơnguh pràn kơldang bơh bơta gi\t gơ\p Lơh broă bal jo\ jòng đah Việt Nam mờ Anh tàm 10 nam do kờp bơh tu\ crơng gơs; dùl nùs bal đơs, lơh broă bal đah 2 lơgar gam uă bơta pràn bơtàu tơnguh mờ pin dờn bơta gi\t gơ\p đah 2 lơgar geh pơn jăt tai geh pờ ơnàng mờ sơlơ tơnguh tai tàm tơngai tus.

Ồng Phạm Binh Minh Phó Thủ tướng Chính phủ, Bộ trưởng Bộ Ngoại giao Việt Nam sồr 2 lơgar sơlơ ai mờ tơnguh ală dơ\ lòt còp bal mờ gơ\p tu\ geh tơl bơta ai gơnoar, mơkung gàr sùm ală mpồl lơh broă bal tàm hơ\ geh Tìp măt cribơyai broă dờng màng kấp thứ trưởng mờ pơn jăt tai cribơyai, wèt tus ki\ hơ Hiệp định Kă bro Khăt gơboh Việt Nam mờ Anh.

Bộ trưởng Ngoại giao Anh ồng Dominic Raab đơs loh, lơgar Anh sền Việt Nam là dùl lơgar lơh broă bal kuơmàng tàm gùng dà lơh broă mờ lơgar ndai bơh he dê tàm tiah châu Á- Thái Bình Dương mờ tiah đah jum măt tơngai lik châu Á; kơ\p kờ` lơh jrô ơnàng rlau tai bơta gi\t gơ\p Tam klăc lơh broă bal jo\ jòng đah Việt Nam mờ Anh tàm jơh ală broă.

Cau mblàng Lơ Mu K’Yến