VOV4.K’ho- Đơs tàm pơrjum mho òr (01/7) bơh gah rơndăp tăp sèng bơ\t bơtàu Đảng dê, ồng Phạm Minh Chính, Kuang atbồ Mpồl rơndăp tăp sèng Dà lơgar sồr jơh gùt gah do tơrgùm lam lơh jat 10 tơngume tờm tàm 6 nhai lồi nam. Tàm hơ\, kơnòl broă sơnrờp là dong kờl broă lơh rcăng pơrjum dờng đảng bộ ală kấp wèt tus Pơrjum dờng dơ\ 13 bơh Đảng dê. Bè broă tơrgùm dùl, tơmu\t bal ală mpồl lơh broă, anih lơh broă, [òn lơgar, ồng sồr bơ\t bơtàu, lơh gơs gùng dà broă lơh, kơrnoat boh lam dipal nàng lơh broă rơndăp tăp sèng, lời wơl dùl êt mpồl kuang bàng lơh broă dà lơgar, tơrmù cau lơh broă sa priă nhai dà lơgar.

Kuang atbồ Mpồl rơndăp tăp sèng Dà lơgar sồr tam gơl pa pràn kơldang, tơl làm, dùl ròt bal, mờ geh cồng nha broă lơh kuang bàng; tơn jơh te\ jơnau geh ngan kă bro gơnoar broă. Lơh krà` lơh glài, lơh jat adat boh lam gơ lòt jăt bal mờ lơh geh anih, bơta nàng lơh tam gơl, bơceh pa. Lơh jat niam kơrnoat sền swì, rơndăp tăp sèng mờ ngui kuang bàng; kơrnoat bơto pơlam, bơto bơtê, rơndăp tăp sèng, ngui kuang bàng kơnòm să, kuang bàng cau ùr, kuang bàng là cau kòn cau.

Cau mblàng Lơ Mu K’Yến