VOV4.K’ho -  Drim òr (23/5), tàm Hìu lơh broa\ Gơnoar ala mat dà lơgar, ồng Phùng Quốc Hiển kuang jat jơng atbồ Gơnoar ala mat dà lơgar  neh w\a mpồl kuang bàng  Gơnoar ala mat lơgar Mỹ bơh ồng Tom Carper lơh kuang lam bồ gam geh dơ\ tus còp mờ lơh broa\ tàm Việt Nam.

            Chờ hờp tus wa\ mpồl kuang bàng Gơnoar ala mat dà lơgar Mỹ tus còp, lơh broa\ tàm Việt Nam,  ồng Phùng Quốc Hiển đơs tờm: Dơ\ tus còp bơh mpồl geh pơ gồp bal tơnguh broa\ lơh git gơp bơh Gơnoar ala mat dà lơgar mờ làng bol 2 lơgar Việt Nam - Mỹ. Ồng Phùng Quốc Hiển neh yal jơnau tus mpồl bè bơta lơh sa-mpồl bơtìan mờ broa\ lơh bơh Gơnoar ala mat dà lơgar Việt Nam tu\ do. Nam 2016,  Việt Nam geh lơh ngan tơngguh lơh sa geh tus 6,7%. Git gơp lơh sa bơh Việt Nam mờ ala\ lơgar slơ ngai slơ gơguh mhar, tàm hơ\ geh lơgar Mỹ. Mờ broa\ lơh bơh Gơnoar ala mat  dà lơgar, ala\ nam do,  Việt Nam neh lơh pràn broa\ lơh gơs adat  boh lam, tàm hơ\ geh sơnoa boh lam nam 2013 sền kuơ ngan sền gàr gơnoar kòn bơnus. Kung tàm bùi wa\,  2 gah kung geh cri bơyai ala\ bơta tu\ do sền gròi bal, bè: Broa\ mut bal tàm kơrnuat lơh sa gan Thái Bình Dương (TPP), sền gàr ngap lơngai dà lơgar, tàm hơ\ geh broa\ gơlik tàm dà lềng tu\ do.

                   Cau cih mờ yal tơnggit K’ Brọp