VOV4.K’ho – Dờp jơnau jà bơh ồng Nguyễn Sinh Hùng kuang atbồ Gơnoar ala mat dà lơgar Việt Nam dê, drim òr 16/12, mpồl kuang bàng ala mat Gơnoar ala mat kơnă dà lơgar Campuchia bơh ồng Samdech Say Chhum kuang atbồ Gơnoar ala mat kơnă dà lơgar Campuchia lam bồ gam geh dơ\ lòt còp ngan ngồn Việt Nam. Tàm hìu Gơnoar ala mat dà lơgar, ồng Nguyễn Sinh Hùng neh geh dơ\ boh bơr mờ ồng Samdech Say Chhum. Bàr gah neh dùl nùs ring bal uă tơngume kuơmàng bè tam klac bal gơnoar ala mat dà lơgar mờ tam klac bal lơh broă bal đah bàr lơgar. Ồng Nguyễn Sinh Hùng đơs tờm, Việt Nam sền dờng màng ngan bơta gi\t gơ\p tam klac lơh bơyô bal mờ ală lơgar rềp bal, tàm hơ\ geh Campuchia. Tàm tam klac lơh broă bal đah gơnoar ala mat dà lơgar, 2 nă kuang bàng đơng lam bồ chờ hờp tềng đap ală broă bơtàu tơnguh niam bơne\ ngan đah anih lơh adat boh lam bơh 2 lơgar dê tàm tơngai lài. Bàr gah sùm ai ală mpồl kuang bàng ală kơnă lòt còp bal mờ gơ\p, yal tơngi\t bal mờng chài lơh adat boh lam mờ sền gròi, dong kờl uă ngan bal mờ gơ\p tàm pơrjum bơyai dunia mờ tiah do bè Ală gơnoar ala mat dà lơgar ală lơgar Tiah đah jum mat tơngai lik châu Á, Ală Gơnoar ala mat dà lơgar dunia.

Cau cih mờ yal tơngi\t- Lơ Mu K’ Yến