VOV4.K’ho – Mho òr 22/02, tàm hìu lơh broă Gơnoar ala mat dà lơgar, ồng Tô Huy Rứa kuang atbồ mpồl kuang bàng git gơp lơh bơyô lơgar Việt Nam mờ lơgar Nhờk neh wă ồng Tsutomo Takebe kuang dong broă kuơ màng bơh mpồl tam klac kuang ala mat git gơp lơh bơyô lơgar Nhờk mờ Việt Nam gam geh dơ\ tus còp mờ lơh broă tàm Việt Nam.

Tàm dơ\ tìp mat, ồng Tsutomo Takebe đơs tờm, bơta bơtàu tơnguh bơh rơndap broă lơh hìu bơsram dờng Việt Nam mờ Nhờk là kơnờm geh bơta dong kờl pràn ngan bơh mpồl kuang bàng git gơp lơh bơyô lơgar Nhờk mờ Việt Nam. Ồng Tô Huy Rứa đơs tờm, rơndap broă lơh hìu bơsram dờng Việt Nam mờ Nhờk neh mờ gam dờp geh bơta sền gròi, dong kờl dờng ngan bơh đah kuang đơng lam bồ Đảng, dà lơgar Việt Nam, pin dờn mờ bơta jơh nùs bơh ồng Tsutomo Takebe bal mờ nùs nhơm lơh ngan bơh 2 gah dê den rơndap broă lồi dut bè cau drơng broă mờ broă bơyai lơh bơh hìu bơsram dờng Việt Nam mờ Nhờk dê geh mhar lơh sir nàng mut lơh broă ngan ngồn, geh cồng nha.

                                                       Cau cih mờ yal tơngit K’ Duẩn.