VOV4.K’ho – Mho òr, 04/7, tàm Hà Nội, Thượng tướng Tô Lâm, kuang geh jơng gah gùng dră bal dà lơgar, kuang atbồ gah kuang àng dà lơgar neh geh dơ\ wă ồng Lee Hyuk kuang atbồ anih ala mat lơgar Hàn Quốc tàm lơgar Việt Nam.

          Tàm dơ\ wă, nting sap gờm chờ ồng Lee Hyuk dờp kơnòl broă pa tàm lơgar Việt Nam, ồng Tô Lâm nting sap tơngai lơh broă bơh ồng Lee Hyuk dê lơh geh uă cồng nha; pin dờn là, tàm gơnoar broă pa, ồng Lee Hyuk geh ală tă pơgồp jơh nùs tàm broă chul chồl git gơp tam klac bal đah 2 lơgar Việt Nam – Hàn Quốc, mơkung đơs tờm, gah kuang àng lơgar Việt Nam tu\ lơi kung rơcang tam klac mờ ai geh bơta [uơn nàng ồng Lee Hyuk lơh jơh kơnòl broă he dê tàm Việt Nam. Đơs niam bơta git gơp lơh broă bal kuơ màng đah Việt Nam mờ Hàn Quốc tàm tơngai lài neh lơh geh uă tam gơl tàm uă gah bè gùng dră bal, sền gàr ngap lơngai, sền gàr dà lơgar, tam klac dunia, bơcri priă, kă bro… Ồng Tô Lâm đơs tờm, Việt Nam sùm sền dờng màng mờ kơp kờ` pơnjat tai bơtàu tơnguh git gơp tam klac bal mờ Hàn Quốc, kung bè git gơp lơh broă bal đah gah kuang àng lơgar Việt Nam mờ ală anih lơh broă geh gơ rềng bơh lơgar Hàn Quốc dê ngai sơlơ bơtàu tơnguh niam rlau, tài bơta kuơ bơh làng bol 2 lơgar dê.  

                    Cau cih mờ yal tơnggit K’ Duẩn.