VOV4.K’ho - Ngai òr 13/02, ồng Toshihiro Nikai kuang atbồ Đảng khăt gơboh at gơnuar lơgar Nhờk neh tìp mờ mò Park Geun Hye kuang atbồ lơgar Hàn Quốc tàm càr lơgar Seoul tàm broă lơh bal bơh 2 lơgar gam ờ niam. Ală kuang bàng đơng lam lơgar Hàn Quốc mờ lơgar Nhờk ờ hềt geh cri bơyai bal bơh tu\ kuang bàng đơng lam tơl lơgar guh at gơnuar. Ồng Shinzo Abe kuang gơs gơnăp gơnoar atbồ hờ đang rơlao jơh lơgar Nhờk mờ mò Park Geun Hye kuang atbồ lơgar Hàn Quốc mìng rơ\p tìp bal mờ mùl màl tàm pơrjum bè broă lơh sa bal châu Á–Thái Bình Dương bơyai lơh tàm càr lơgar Bắc Kinh lơgar Lo mờ 1 dơ\ tìp 3 lơgar mờ lơgar Mỹ tàm nam lài. Broă lơh bal bơh 2 lơgar rềp bal tàm tiah đah tô măt tơngai l^k châu Á do ờ niam tài ală jơnau yal gơrềng tus mờ broă tam phà ù tiah mờ ală broă tài rài lài do lời wơl.