VOV4.K’ho – Dờp jơnau jà bơh ồng Trần Đại Quang, Chủ tịch lơgar dê, ồng Abdel Fattah El-Sisi, Kuang atbồ lơgar Ai Cập sơnđờm lòt còp kơnă Dà lơgar tus lơgar Việt Nam bơh ngai 6-7/9/2017. Drim òr, dơ\ bơyai lơh wa\ rò Kuang atbồ lơgar Ai Cập geh lơh dờng ngan tàm Hìu duh broă Chủ tịch lơgar dê.

Tơnơ\ dơ\ bơyai lơh wa\ rò tơn, ồng Trần Đại Quang bơyai lơh dơ\ cribơyai broă mờ ồng Abdel Fattah El-Sisi. Bàr nă kuang bàng đơs niam ngan bơta lơh broă bal đah 2 lơgar tàm ală dơ\ cribơyai uă lơgar, kuơmàng tàm dơ\ pơrjum bơyai bơh Liên hợp quốc, Srơh ờ tàm tơrgùm bal, mpồl đơs dà Tây…

Bàr nă kuang bàng kung cribơyai uă bè ală gùng dà broă lơh nàng sơlơ tơnguh tai broă kă bro mờ bơcri priă đah 2 lơgar, đơs ngan jơnau hơ pơrgon lơh ngan ai priă lơh geh bơh kă bro đah 2 lơgar dê gờ` lơh geh jơnau kờ` 1 tơmàn dolar Mỹ mờ broă chul chồl lơh broă bal tàm ală broă công nghiệp, mpồl lơh sa kă bro di mơ mờ dềt, lơh broă sa sươn sre, broă lơh ka, pơndiang phan, bơ\t bơtàu anih ơhò dà lềng ơm, lơh ơhò, niam chài, nhơl chờ, bơto bơtê, lơngăp lơngai- dà lơgar…mờ lơh broă bal đah ală tiah bơh 2 lơgar dê.

Cau cih mờ yal tơngi\t- Lơ Mu K’ Yến