VOV4.K’ho – Drim òr 11/7, tàm Hìu duh broă Chủ tịch lơgar dê, ồng Trần Đại Quang, Chủ tịch lơgar tìp mat Mpồl cau ala mat cau ling sồt să, cau pròc mhàm cau ling chơ\t màng mờ cau pơnrơ jak tàm mpồl Kảnh sát làng bol.

Tàm dơ\ tìp mat, ồng Trần Đại Quang jờng rơ bơta lơh ngan sơr lèt gan, ală dà kơlhề, cồng nha lơh geh jak chài ngan mờ mpồl Kảnh sát làng bol neh lơh geh tàm jơh ală tu\ tơngai pơnrơ ngan 55 nam do. Ồng Trần Đại Quang sồr mpồl Kảnh sát làng bol lơh jat niam mờ drơng broă jơh nùs broă mu\t lơh kơnòl broă chính trị bơh Đảng, Dà lơgar mờ kấp ủy, gơnoar atbồ ală kơnă dê.

Ồng sồr mpồl Kảnh sát làng bol sền gròi broă lơh bơ\t bơtàu Đảng, lơh niam mờ geh cồng nha Nghị quyết Pơrjum dơ\ 4 Ban Chấp hành Đảng Dà lơgar kơnă XI, XII bè sơlơ bơ\t bơtàu mờ lơh niam wơl Đảng. Pơn jat tai lơh pràn làm uă srơh kis gi\t jơnau gi\t adat, sa plai kah cau tam chi bơh ală broă lơh geh kuơ ngan ngồn loh làng.

Cau cih mờ yal tơngi\t-Lơ Mu K’ Yến