VOV4.K’ho – Drim òr 22/6, tàm Hà Nội, ồng Trần Đại Quang, Chủ tịch lơgar neh tus bal mờ geh jơnau đơs đơng lam pơrjum bal dơ\ 8 Ủy ban Dà lơgar APEC nam 2017.

Ồng Trần Đại Quang đơs uă, APEC là dùl mpồl lơh sa kuơmàng khà dùl tàm tiah do, geh gơnoar broă kuơmàng bè jo\ jòng, sền gàr dà lơgar, chính trị, lơngăp lơngai, Việt Nam kờn pal lơh niam gơnoar broă rơcang lài, jơh nùs kung bè bơtòm tơrgùm nùs nhơm, bồ tơngoh jak bơh ală rài lơh sa tàm mpồl dê.

Nàng lơh geh bơta pin dờn kung bè jơnau kơ\p kơnờm gơ wèt tus mờ gơnoar broă lơgar drơng lơh bơh Việt Nam dê, jơnau sồr jal mhar gơ sồr là bol he pal rơcang lài jal mhar, niam bơne\ bè jơh ală bơta, jat di jơnau đơs, sền dờng màng, wil tơl, geh cồng nha, tềm pềr, lơngăp lơngai mờ ờdo ờdă; pal tơrgùm lơh gơs bal mờ bơta geh kơnòl uă ngan rlau jơh ală kơnòl broă geh jàu.

Cau cih mờ yal tơngi\t-Lơ Mu K’ Yến