VOV4.K’ho – Ngai òr, tàm Hà Nội, Mpồl Đảng đah Cảnh sát dà lơgar, di Gah kuang àng dà lơgar bơyai lơh Pơrjum mpồl Đảng dơ\ 9, tơngai lơh broă bơh nam 2015 tus nam 2020. Đại tướng Trần Đại Quang kuang geh jơng Gah gùng dră bal dà lơgar, lơh broă tàm mpồl đơng lam Đảng kuang àng dà lơgar, kuang atbồ Gah kuang àng dà lơgar neh tus bal mờ đơng lam pơrjum.

Tơngai lơh broă lài, mpồl Đảng đah Cảnh sát dà lơgar neh cribơyai mờ mpồl đơng lam Đảng kuang àng dà lơgar, kuang đơng lam bồ Gah kuang àng ală mpồl, ală tiah mut lơh uă dơ\ jòi kup cau tìs, kơryan geh git nđờ rbô mpồl cau tìs; sơlơ tơnguh cồng nha atbồ dà lơgar bè sền gàr ngap lơngai ờ do ờ dă. Đơs tàm dơ\ pơrjum, ala mat Mpồl đơng lam Đảng kuang àng dà lơgar, kuang đơng lam bồ Gah kuang àng dà lơgar, ồng Trần Đại Quang đơs tờm, tàm tơngai lơh broă tus, mpồl Đảng pal pơnjat tai tam gơl pa, tơnguh jơnhua bơta niam, cồng nha ală gah lơh broă, bơtàu tơnguh mpồl cảnh sát bơh dà lơgar tus [òn lơgar; git loh ală bơta gơlik geh, ai geh bơta rơcang lài tàm broă rơcang sơndră mờ kơryan cau tìs; mơkung sùm mblàng yal bè pơnrơ cau niam, broă niam, ală mờng chài niam tàm srơh gùt làng bol sền gàr ngap lơngai dà lơgar nàng pơn jờng srơh broă lơh; pơnjat tai lơh geh uă jai pha, cồng nha niam rlau tai.

                                                                          Cau cih mờ yal tơngit K’ Duẩn.