VOV4.K’ho – Ngai òr, 22/9, tàm Hà Nội, mpồl Đảng đah lơh broă gùng dră bal Gah kuang àng dà lơgar bơyai lơh pơrjum dơ\ 9, tơngai lơh broă bơh nam 2015 tus nam 2020. Đơs đơng lam pơrjum, ồng Trần Đại Quang kuang atbồ Gah kuang àng dà lơgar sồr Mpồl Đảng đah lơh broă gùng dră bal gah do dê pal tơr gùm đơng lam pơnjat tai tam gơl pa, tơnguh jơnhua cồng nha ală broă lơh. Bơh hơ\, pơ gồp bơnah bơt bơtàu mpồl kuang àng làng bol kac màng jak chài, nhap nhar, hời rơhời tam gơl pa. Jat ồng Trần Đại Quang, kờ` lơh geh jơnau sồr do, gùt mpồl Đảng pal git wă, bơto pơlam uă nùs nhơm bơt bơtàu Kuang àng làng bol ringbal, tơl làm tàm ală gah gùng dră bal, nùs nhơm mờ broă bơyai lơh, mpồl lơh broă, tàm hơ\, broă bơto bơtê gùng dră bal, nùs nhơm, bơto bơtê bơhìan yau, tơnguh jơnhua kơnòl, lơh jat kơrnuat lơh broă là kơnòl kuơ màng ngan; broă bơt bơtàu Đảng là tờm ngan, broă bơyai lơh, cau lơh broă là broă tam gơl pa; gơjat bal mờ tơ jơh ngan ngồn mờ kơlôi sơ nơng bơtàu tơnguh jơnau cribơyai là kơ nòl kuơ màng.

                                                                     Cau cih mờ yal tơngit K’ Duẩn.