VOV4.K’ho - Tàm dơ\ tus còp lơgar Lào, mho òr (14/6), ồng Trần Đại Quang, kuang atbồ lơgar bal mờ pơ-ùr mờ mpồl kuang bàng dờng màng lơgar he neh tus còp anih ala măt lơgar Việt Nam tàm Pacse mờ tìp làng bol lơgar Việt Nam gam kis mờ lơh broă tàm càr Champasak.

Boh bơr mờ kuang bàng, cau lơh broă tàm anih ala măt lơgar Việt Nam tàm Pacse, ồng Trần Đại Quang neh pơn jờng mờ đơs niam làng bol lơgar Việt Nam kis tàm lơgar Lào đơs bal mờ tàm tiah đah jum lơgar Lào đơs is neh tơl^k nùs nhơm kờ` gơboh mờ dà lơgar mờ geh uă broă pơgồp bal kuơ màng tàm broă bơ\t bơtàu mờ sền gàr dà lơgar.

Iăt jơnau đơs, jơnau kơ\p kờ` bal mờ nùs nhơm niam bơh làng bol lơgar Việt Nam kis tàm càr Champasak dê, ồng Trần Đại Quang neh còp să ală hìu kă bro là cau lơgar Việt Nam kis tàm càr Champasak gơbàn hoàc huơr tàm dơ\ ồs sa drà Đào Hương tàm ngai 17/5/2016 pa do; lam sồr làng bol sơlèt mờ ală kal ke tềng đăp măt, gờ` ring niam rài kis kờ` pơn jăt tai kă bro. Ala măt Đảng, Dà lơgar, ồng Trần Đại Quang neh jàu pà 10 rơbô đôlar Mỹ kờ` dong kờl làng bol tơmù 1 bơnah hoàc huơr tàm dơ\ ồs sa drà Đào Hương mờ 10 rơbô đôlar Mỹ ai mpồl cau lơgar Việt Nam kis tàm càr Champasak in kờ` dong kờl ală broă lơh bal mpồl bơtiàn dê. Ồng Trần Đại Quang sồr mpồl cau lơgar Việt Nam kis tàm càr Champasak pơn jăt tai tơnguh nùs nhơm tam klăc, dong kờl; bal, bơ\t bơtàu bal mpồl cau lơgar Việt Nam tàm càr do sơlơ ngai sơlơ pràn kơl dang.

Cau cih mờ yal tơng^t Ndong Brawl