VOV4.K’ho – Drim òr 12/6, ồng Trần Đại Quang kuang atbồ lơgar mờ pơ ùr bal mờ mpồl kuang bàng ala mat dờng màng lơgar he neh tus Vientiane, sơnđờm dơ\ lòt còp kơnă Dà lơgar Lào bơh ngai 12 tus 14/6/2016 jat jơnau jà bơh ồng Bounnhang Volachith kuang atbồ đơng lam Đảng dà lơgar mơkung là Kuang atbồ lơgar Lào. Do là dơ\ lòt còp lơgar ndai dơ\ sơn rờp bơh ồng Trần Đại Quang kuang atbồ lơgar dê tàm gơnoar broă pa. Dơ\ lòt còp sơlơ lơh kơ\ kơl jăp rlau tai bơta gi\t gơ\p lơh bơyô bal ờs mờng bơh yau, tam klac bal dờng màng đah 2 Đảng, 2 dà lơgar mơkung lơh pràn tam klac lơh broă bal tơl làm đah Việt Nam mờ Lào.

Tơnơ\ dơ\ wa\ rò yu\ rơyùm geh lơh tàm Hìu duh broă Kuang atbồ lơgar Lào dê, ồng Trần Đại Quang mờ ồng Bounnhang Volachith lam bồ mpồl kuang bàng ala mat dờng màng kơnă dà lơgar bơh bàr lơgar dê bơyai lơh cribơyai. Tàm dơ\ cribơyai, ồng Trần Đại Quang đơs tờm: Kuang bàng đơng lam Đảng, Dà lơgar mờ Gơnoar atbồ lơgar Việt Nam sùm sền dờng màng bơta gi\t gơ\p dờng màng đah Việt Nam mờ Lào, sền hơ\ là phan lời wơl kuơmàng ngan pal sền gàr mờ bơtàu tơnguh; geh jơnau đơs pin dờn là Đảng, Dà lơgar, Gơnoar atbồ lơgar mờ làng bol lơgar Lào geh mu\t lơh jai pha Kơrnoat bơh Pơrjum dờng dơ\ X mờ Broă rơndăp lơh bơtàu tơnguh lơh sa- mpồl bơtiàn 5 nam dơ\ VIII, tơngai bơh nam 2016- 2020, lơh geh cồng nha gơnoar broă Kuang atbồ mpồl ASEAN nam 2016. Bàr gah dùl nùs ring bal tàm tơngai tus pơn jat tai mu\t lơh niam ală jơnau ring bal đah kơnă kuang bàng dờng màng bơh bàr lơgar dê mờ ală cồng nha lơh geh tàm Pơrjum dơ\ 38 Anih duh broă ală Gơnoar atbồ lơgar bè tam klac lơh broă bal đah 2 lơgar Việt Nam mờ Lào; mu\t lơh geh cồng nha Broă rơndăp lơh Tam klac lơh broă bal đah Gơnoar atbồ lơgar bơh 2 lơgar dê nam 2016, Jơnau pơrgon tam klac lơh broă bal đah Việt Nam mờ Lào tơngai bơh nam 2016- 2020…Bàr gah dùl nùs ring bal pơn jat tai sơlơ ai ală mpồl kuang bàng lòt còp bal mờ gơ\p, mu\t lơh geh cồng nha ală kơrnoat tam klac lơh broă bal đah 2 gah; sơlơ tơnguh tai bơta pin dờn gùng dră bal; tơnguh jơnhoa cồng nha tam klac lơh broă bal tàm jơh ală broă gùng dră bal, lơh broă mờ lơgar ndai, lơngăp lơngai sền gàr dà lơgar, lơh sa, kă bro, bơcri priă…

Kung dùl ngai bal, ồng Trần Đại Quang neh geh ală dơ\ tìp mat boh bơr mờ ồng Thoongloun Sisoulith kuang gơs gơnăp gơnoar atbồ hơđang rlau jơh lơgar Lào mờ mò Pany Yathotu kuang atbồ Gơnoar ala mat dà lơgar Lào; lòt còp ồng Choummaly Saynhasone kuang atbồ đơng lam Đảng dà lơgar lài do mơkung là Kuang atbồ lơgar Lào lài do. Tơnơ\ hơ\ lòt còp mờ boh bơr mờ kuang bàng, cau lơh broă tàm Anih lơh broă ala mat lơgar Việt Nam tàm lơgar Lào, ala mat ală anih lơh broă Việt Nam tàm lơgar Lào, làng bol Việt Nam tàm lơgar Lào.  

Cau cih mờ yal tơngi\t- Lơ Mu K’ Yến