VOV4.K’ho - Mang ngai 23 nhai 11 jăt jơ tàm tiah do, hơ\ là àng drim ngai 24 nhai 11 jăt jơ Hà Nội. Ồng Trần Đại Quang, kuang atbồ lơgar neh còp tiah yàng Vatican, cri bơyai mờ bèp dờng Francis mờ tìp mờ bèp Pietro Parolin, kuang gơs gơnăp gơnoar atbồ hờ đang rơlao jơh tiah yàng Vatican.

Ồng Trần Đại Quang, kuang atbồ lơgar cri bơyai mờ bèp Pietro Parolin, kuang gơs gơnăp gơnoar atbồ hờ đang rơlao jơh tiah yàng Vatican

Pơn jờng dơ\ tus còp bơh ồng Trần Đại Quang dê, bèp dờng Francis neh đơs: tiah yàng đơs niam ngan ală cồng nha tơnguh bơtàu lơh sa mpồl bơtiàn lơgar Việt Nam dê mờ broă lơgar Việt Nam ai jơnau pơgồp bal uă lài mờ tu\ ring bal adăt pin dờn, jăt yàng. Ồng Trần Đại Quang neh đơs, lơgar Việt Nam sùm lơh jăt niam mờ gàr niam gơnoar khăt gơboh pin dờn, jăt yàng ală cau dê, mờ lơh gơs sùm adăt boh lam kờ` gàr ală gơnoar hơ\.

Ồng Trần Đại Quang, kuang atbồ lơgar cri bơyai mờ bèp dờng Francis

Ồng Trần Đại Quang mờ bèp dờng Francis neh đơs niam ală broă pơgồp bal bơh mpồl bơtiàn cau jăt yàng bàp lơgar Việt Nam tơngai do; ring bal broă lơh bal bơh lơgar Việt Nam mờ tiah yàng Vatican neh tơnguh niam, tơl^k loh bơh tàm dơ\ tìp dờng ală nam pa do mờ broă 2 gah tơnguh sùm cri bơyai bơh tàm kơrnoăt mpồl lơh broă bal. Di tàm dơ\ do, ồng Trần Đại Quang neh geh dơ\ tìp mờ cri bơyai mờ bèp Pietro Parolin bè broă jăt yàng bàp tàm lơgar Việt Nam mờ broă lơh bal bơh lơgar Việt Nam mờ tiah yàng Vatican.

       Cau cih mờ yal tơng^t Ndong Brawl