VOV4.K’ho - Pơnjat tai dơ\ tus còp  khà dà lơgar tus lơgar Singapore, drim òr (30/8),  ồng Trần Đại Quang kuang atbồ lơgar neh tus mờ đơs tờm ngan Singapore Lecture dơ\ 38 mờ sơnđan “Tam klac, attê bal lơh broa\,  bơtàu tơngguh bal kơljap” bơh Gah sền sơnơng Đông Nam Á (ISEAS) bơyai lơh. Do la dơ\  cri tơr`a geh bơnga\ ngan lam bồ lài bơh lơgar Singapore, gơ hòi geh 550 na\ cau bơsram jak dunia mờ ua\ cau kuang, cau gah gùng dra\ bal Singapore. Đơs tàm dơ\ cri tơr`a,  ồng Trần Đại Quang geh đơs loh, Châu Á-Thái Bình Dương, tàm hơ\ geh Đông Nam Á, pơnjat tai geh la dùl anih tờm bơtàu tơngguh nhap nhar, geh bơnga\  anih kuơ màng - lơh sa, gùng dra\ bal slơ ngai slơ kuơ màng tàm dunia.  Ala\ bơta gơbàn lơh ờ suk  ngan rềp do tàm kơnhoàl do mờ tàm dà lềng đah mat tơngai lik, neh  mờ gam  lơh gơbàn ờ niam ngan tus ngap lơngai tàm kơnhoàl, ngan la khat gơboh,  sền gàr ngap lơngai, ờ do ờ da\ gùng  lòt tàm dà lềng, gùng rơndeh par, geh pơhìn tus broa\ lơh bal tàm kơnhoàl.

          Ồng Trần Đại Quang đơs,  gùng mìng  dùl lơm nàng bơsong jơh la jơh  ala\ lơgar tàm klac,  at tê bal  lơh broa\, tơngguh tam klac ai bơh adat boh lam dunia, drờm bal, geh kuơ bal. Ồng Trần Đại Quang đơs tờm broa\ lơh dùl lơm bơh Việt Nam la  lơh kràn ngan, lơh nuềr ngan ntàu tam dra\ sền gàr kơljap ngap lơngai, gơnoar tờm,  trơ gùm dùl,  tơl làm ù tiah dà lơgar, bơsong tam phà mờ ala\ broa\ lơh ngap lơngai ai bơh adat boh lam dunia.

                   Cau cih mờ yal tơnggit K’ Brọp