VOV4.K’ho – Mho òr, 04/7, tàm gơlang kuang atbồ lơgar, ồng Trần Đại Quang kuang atbồ lơgar neh jàu kơrnuat pồ at gơnoar broă tus mờ 20 nă kuang ala mat dờng màng lơgar Việt Nam tàm lơgar ndai, tơngai bơh nam 2016 tus nam 2019.

          Gờm chờ ală kuang ala mat geh pồ dờp kơnòl broă pa, ồng Trần Đại Quang đơs loh, ală kuang ala mat lòt lơh kơnòl broă tàm nam sơn rờp mut lơh jat kơrnuat pơrjum dơ\ 12 bơh Đảng dê. Tàm hơ\, pơrjum neh đal git nùs nhơm chồl pràn tơl làm, ringbal broă lơh tam gơl pa mờ 4 kơnòl kuơ màng lài ngan là: Bơtàu tơnguh lơh sa – mpồl bơtiàn là tờm; bơt bơtàu Đảng là kuơ màng; bơt bơtàu chài rơgơi, kòn bơnus lơh bơnàng jă nùs nhơm; sơlơ sền gàr dà lơgar, sền gàr ngap lơngai là kuơ màng mờ pal geh lơh sùm. Ồng Trần Đại Quang kơp kờ` ală kuang atbồ anih ala mat lơgar Việt Nam tàm lơgar ndai pal jat nền nòn tàm kơrnuat nàng mut lơh kơnòl bơh anih ala mat tàm lơgar ndai. Ồng Trần Đại Quang đơs là, tơngai tus ală bơta tàm dunia mờ kơnhoàl gơlik geh kal ke, bơdìh mờ ală bơta [uơn kung gam uă kal ke. Ồng sồr, ală kuang atbồ anih ala mat lơgar Việt Nam tàm lơgar ndai pal mut lơh 3 kơnòl cribơyai mờ lơgar ndai bơh pơrjum dơ\ 12 dê hơ\ là sền gàr kơ\ bơta lơngap lơngai, kơ\ kơljap, ai geh uă ngan rlau jơh ală bơta dong kờl bơh bơdìh nàng bơtàu tơnguh dà lơgar; krà` cê, kơ\ nùs sền gàr dà lơgar; tơnguh gơnoar, bơngă pin dờn bơh dà lơgar dê.

                     Cau cih mờ yal tơnggit K’ Duẩn.