VOV4.K’ho – Drim òr 09/8, ồng Trần Đại Quang, kuang atbồ lơgar, kuang atbồ mpồl đơng lam tam gơl kơrnuat boh lam dà lơgar bal mờ mpồl lơh broă neh tus còp mờ lơh broă mờ Anih sền gròi ai ngui kơrnuat boh lam làng bol jơnhua ngan rlau jơh. Đơs tàm do, ồng Trần Đại Quang sồr gah sền gròi ai ngui kơrnuat boh lam pal tơrgùm tam gơl pa ală gah broă lơh, sơlơ tơnguh rlau tai kơrnuat mpồl bơtìan ringbal làng bol lơh tờm, gàr niam bơta ringbal pal geh mut ngui ngan ngồn, pơgồp bơnah bơt bơtàu dùl mpồl bơtìan ngap lơngai, jat kơrnuat boh lam, gơguh jak, tơnguh jơnhua nùs nhơm “ Lài ngan sền dờng màng kơrnuat boh lam”, drơng geh cồng nha kơnòl bơtàu tơnguh lơh sa – mpồl bơtìan mờ mut gơrờm bal dunia bơh dà lơgar dê. Ồng Trần Đại Quang pin dờn gah sền gròi ai ngui kơrnuat boh lam làng bol pơnjat tai bơtàu tơnguh bơhìan pơn ìơ să mờ lơh jat niam jơnau bơto sồr bơh Bác Hồ dê “ Ringbal, loh làng, song dơpă, nền nòn mờ pơn dềt să”, bơtàu tơnguh tơl làm mờ pràn kơldang rlau, lơh jat bơta pin dờn bơh Đảng, Dà lơgar mờ làng bol dê.