VOV4.K’ho – Ngai òr, 27/6, ồng Trần Đại Quang kuang atbồ lơgar bal mờ mpồl lơh broă dà lơgar neh lơh broă mờ kuang đơng lam bồ dờng màng càr Phú Yên bè bơta mut lơh kơnòl bơtàu tơnguh lơh sa mpồl bơtiàn, sền gàr dà lơgar, sền gàr ngap lơngai, broă lơh sa, kă bro mờ rài kis làng bol tàm càr dê.

Đơs tàm dơ\ lơh broă, ồng Trần Đại Quang sồr càr Phú Yên pal tơrgùm chồl pràn bơtàu tơnguh phan bơna gùng lòt, bưu chính viễn thông, công nghệ thong tin, gùng che đèng, lam sồr ală bơta pràn chồl mhar tơngai mut lơh ală broă lơh kuơ màng. Mut lơh tiah lơh sa đah jum Phú Yên gơs là dùl tàm ală anih tờm lơh sa mờ mai\ mok, anih dờng ơ hò ơm bơh tiah kềng gah dà lềng đah jum tàm gùl lơgar mờ Tây Nguyên. Ringbal mờ ală jơnau kờ`, kơnòl, broă lơh bơtàu tơnguh lơh sa mpồl bơtiàn, sền gàr dà lơgar, sền gàr ngap lơngai tơngai bơh nam 2015 tus nam 2020 mờ pơrjum cau ala mat mpồl Đảng càr dơ\ 16 neh ai tơlik, ồng Trần Đại Quang đơs là, kờ` lơh geh ală jơnau kờ` do, Phú Yên pal bơtàu tơnguh lơh sa mờ mai\ mok – bơt bơtàu, tơrgùm tàm ờ uă gah lơh sa mờ mai\ mok geh bơta pràn tàm pơr lòng. Bè broă tam dră mờ trồ tiah lơh aniai, tam gơl trồ tiah, trồ prang dờng soat dà, dà hang mut aniai, ồng Trần Đại Quang sồr càr pal lam sồr ală bơta pràn bơh mpồl bơtìan bơcri, mut lơh bơtơt rơbong dà mờ ai dà drơng rài kis, broă lơh sa, ngan là tàm ală tiah sùm gơtìp trồ prang dờng soat dà mờ dà hang mut aniai.

                 Cau cih mờ yal tơngit K’ Duẩn.