VOV4.K’ho – Drim òr 19/8, ồng Trần Đại Quang, Kuang atbồ lơgar còp mờ lơh broă mờ Gah đơng lam Mpồl ling rơcang gàr kơl wàng trồ- ling rơndeh par tàm Hà Nội. Tàm dơ\ lơh broă, ồng Trần Đại Quang đơs tờm kơnòl broă sền gàr bơta lơngăp lơngai is, gơnoar tờm ù tiah, tơrgùm dùl mờ tơl làm ù tiah dà lơgar dê tàm tu\ tơngai pa geh sồr kơn jơ\ kơn ju\t ngan. Jơnau do sồr Mpồl ling klàng làng bol đơs bal mờ mpồl ling rơcang gàr kơl wàng trồ- ling rơndeh par đơs is pal pơn jat tai tam gơl pa, lơh jat niam gơnoar broă mpồl cau tờm tàm broă lơh sơlơ tơnguh tai sền gàr dà lơgar, sền gàr Dà lơgar Việt Nam rài làng bol lơh tờm mpồl bơtiàn ring bal. Ồng Trần Đại Quang sồr Mpồl ling rơcang gàr kơl wàng trồ- ling rơndeh par gi\t nền bơta gơlik geh, jơnau jòi kai lơh broă tam dră lơh aniai bơh ală bol gơ jra` kơuềng dê nàng lơh niam broă dong broă, dan mờ Đảng, Dà lơgar mờ Gah Sền gàr dà lơgar in bơ\t bơtàu ală mpồl ling rơcang gàr kơl wàng trồ, ling rơndeh par, lơh geh nùs nhơm rơcang gàr kơl wàng trồ tàm làng bol pràn kơldang kơ\ kơl jăp, làm uă, tu\ lơi kung rơcang lài tam lơh uă.

Cau cih mờ yal tơngi\t- Lơ Mu K’ Yến