VOV4.K’ho – Mho òr, ồng Trần Đại Quang kuang atbồ lơgar neh wă rềp mềl ồng Thoong-lun Xi-xu-lit kuang gơs gơnap gơnoar atbồ hơđang rlau jơh dà lơgar Lào gam geh dơ\ tus còp ngan ngồn lơgar Việt Nam.

Đơs niam cồng nha cribơyai đah 2 nă kuang gơs gơnap gơnoar atbồ hơđang rlau jơh dà lơgar 2 lơgar, ồng Trần Đại Quang đơs là ală tơngume mờ rơndap broă mờ 2 gah cribơyai geh kuơ dờng ngan dong mut lơh geh cồng nha rơndap broă tam klac bal đah gơnoar atbồ 2 lơgar nam 2016 mờ jơnau pơrgon tam klac Việt Nam mờ Lào tơngai bơh nam 2016 tus nam 2020. Nàng brồ guh uă ngan rlau jơh bơta pràn bơh tơl lơgar dê, ồng Trần Đại Quang sồr 2 gah mut lơh geh cồng nha ală jơnau ringbal lơh geh tàm dơ\ tìp mat dờng màng pah nam bơh 2 gah gùng dră bal dà lơgar mờ pơrjum dơ\ 38 bơh anih duh broă 2 gơnoar atbồ lơgar bè tam klac 2 lơgar Việt Nam mờ Lào, ngan là pơnjat tai sơlơ tơnguh khà mờ cồng nha cribơyai mpồl kuang bàng dờng màng mờ ală kơnă; pơnjat tai pơn jờng ală gah, sơnah lơh broă dà lơgar, ală càr, [òn dờng bơh 2 lơgar dê rề ơnàng git gơp tam klac tơn, dong kờl bal mờ gơp tàm bơtàu tơnguh lơh sa – mpồl bơtiàn, sền gàr ngap lơngai, kơ\ kơljap, ờ do ờ dă tàm tiah nhàr dà lơgar, lơh ngan tơnguh priă lơh geh bơh kă bro 2 lơgar gơguh 20% tàm nam 2016. Ồng Trần Đại Quang đơs tờm, Việt Nam rơcang lơh jơh ală bơta lơi gơtùi tus mờ bơta bơtàu tơnguh bơh lơgar Lào oh mi dê, nting sap dơ\ tus còp bơh ồng Thoong-lun Xi-xu-lit mờ mpồl kuang bàng dờng màng lơgar Lào dê geh cồng nha niam, nting sap lơgar Lào oh mi mut lơh geh cồng nha kơrnuat pơrjum dơ\ 10 bơh Đảng làng bol kac màng lơgar Lào dê.

Mho òr 15/5, mò Nguyễn Thị Kim Ngân kuang atbồ Gơnoar ala mat dà lơgar Việt Nam neh wa\ rò ồng Thoong-lun Xi-xu-lit kuang gơs gơnăp gơnoar atbồ hơđang rlau jơh dà lơgar Lào lam bồ Mpồl kuang bàng ala mat dờng màng Gơnoar atbồ lơgar Lào lòt còp gi\t gơ\p lơh bơyô ngan ngồn lơgar Việt Nam. Đơs là, Gơnoar ala mat dà lơgar Việt Nam mờ Gơnoar ala mat dà lơgar Lào ndrờm là anih lơh broă geh gơnoar jơnhoa ngan rlau jơh bơh làng bol dê, ồng Thoong-lun Xi-xu-lit kơ\p kờn Gơnoar ala mat dà lơgar Việt Nam geh pơn jat tai jat sền bal, lòt sền bal ală broă lơh bal nàng cèng wơl cồng nha uă. Nam 2016, bal mờ gơnoar broă là Kuang atbồ tàm sơdar Mpồl ASEAN, do là dùl broă lơh kơn jơ\ kơn ju\t ngan, bal mờ bơta mờng chài bơh he dê, ồng Thoong-lun Xi-xu-lit kơ\p kờn Gơnoar ala mat dà lơgar Việt Nam dong kờl nàng Gơnoar atbồ lơgar Lào lơh gơs niam kơnòl broă do. Mò Nguyễn Thị Kim Ngân chờ gờm Gơnoar atbồ lơgar Lào tàm gơnoar broă là lơgar atbồ tam sơdar Mpồl ASEAN mờ Việt Nam geh sùm ơm rềp bal dong kờl Gơnoar atbồ lơgar Lào tàm kơnòl broă pa do.

                           Cau cih mờ yal tơngit K’ Duẩn mờ Lơmu K’ Yến.