VOV4.K’ho - Di tơng kah 71 nam ngai Kac màng Nhai phàm mờ Sơntờm dà lơgar ngai 2/9, drim òr (18/8),  tàm Gơlang kuang atbồ lơgar, ồng Trần Đại Quang kuang atbồ lơgar neh tìp mat ala\ kuang bàng,  cau ala mat bơh 17  gah jat yàng. Đơs tàm bùi wa\,  ồng Trần Đại Quang đơs niam ala\ ta\ pơ gồp bơh làng bol ala\ cau jat yàng tàm rài bơt bơtàu mờ sền gàr dà  lơgar. Ồng kơp kờ` ala\ gah jat yàng pơnjat tai geh chồl guh ala\ bơta niam,  bơta kuơ kòn bơnus,  adat ơnà niam bơh gah yàng dê  kờ` pơ gồp bal lơh geh rài kis niam, niam bơne\, lơh niam gah tam klac gùt jơi bơtìan mờ lam sồr cau jat yàng lơh jơh kơnòl broa\ la cau làng bol dê, nhap nhar tus bal bơtàu tơngguh lơh sa, chài rgơi, mpồl bơtìan, sền gàr ngap lơngai ờ do ờ da\ mpồl bơtìan. Ồng Trần Đại Quang sồr  kơna\ Đảng, gơnoar atbồ ala\ kơna\ tơngguh mblàng pơlam, geh pơlam dong kờl cau jat yàng lơh  ờ jai bơta jòi kai mờ broa\  lơh bơh ala\ bol pơrlơ\ dra\,  dra\ wơl  sơmờm gah jat yàng  nàng tam dra\ rài kac màng bơh làng bol he.

          Cau cih mờ yal tơnggit K’ Brọp